Almatylyq dárigerler turǵyn úidiń segizinshi qabatynan qulaǵan 4 jasar qyzdy aman alyp qaldy, dep habarlaidy QazAqparat.
Almaty qalalyq densaýlyq saqtaý basqarmasynyń málimetinshe, jazataiym oqiǵa 7 sáýir kúni bolǵan. 4 jastaǵy kishkentai qyz Almatyda turǵyn úilerdiń biriniń segizinshi qabatynan qulap ketken.
Aýrýhanaǵa jedel járdem kóligimen jetkizildi. Túsken kezde balanyń jaǵdaiy óte aýyr boldy. Dárigerler tekserip oǵan qosarlanǵan jaraqat degen diagnoz qoidy.
«Bas-miy soǵylyp, eki ókpesi jyrtylyp ketken. Ásirese, sol jaq ókpesi qatty zaqymdanǵan. Sonymen qatar, ókpe qýysynda qan, aýa jinalyp qalǵany anyqtaldy. Balaǵa shuǵyl túrde ota jasaldy. Operatsiia kezinde biz sol jaq ókpesin tiktik. Kishkentai naýqas bes kún jansaqtaý bóliminde jatty. Keiin jaǵdaiy jaqsarǵan soń palataǵa aýystyrdyq. 25 sáýir kúni aýrýhanada úiine shyqty», – dedi Balalar shuǵyl meditsinalyq járdem ortalyǵy bas dárigeriniń orynbasary Dinmuhamed Rýzýddinov.
Dárigerdiń aitýynsha, mamandar onyń jaǵdaiyn kún saiyn baqylap otyrady.
«Perishtesi qaqqan qyz balany ata-anasy aldaǵy ýaqytta mindetti túrde ońaltýdan ótkizýleri kerek», - dedi dáriger.
