الماتىلىق دەرٸگەرلەر تۇرعىن ٷيدٸڭ سەگٸزٸنشٸ قاباتىنان قۇلاعان 4 جاسار قىزدى امان الىپ قالدى, دەپ حابارلايدى قازاقپارات.
الماتى قالالىق دەنساۋلىق ساقتاۋ باسقارماسىنىڭ مەلٸمەتٸنشە, جازاتايىم وقيعا 7 سەۋٸر كٷنٸ بولعان. 4 جاستاعى كٸشكەنتاي قىز الماتىدا تۇرعىن ٷيلەردٸڭ بٸرٸنٸڭ سەگٸزٸنشٸ قاباتىنان قۇلاپ كەتكەن.
اۋرۋحاناعا جەدەل جەردەم كٶلٸگٸمەن جەتكٸزٸلدٸ. تٷسكەن كەزدە بالانىڭ جاعدايى ٶتە اۋىر بولدى. دەرٸگەرلەر تەكسەرٸپ وعان قوسارلانعان جاراقات دەگەن دياگنوز قويدى.
«باس-ميى سوعىلىپ, ەكٸ ٶكپەسٸ جىرتىلىپ كەتكەن. ەسٸرەسە, سول جاق ٶكپەسٸ قاتتى زاقىمدانعان. سونىمەن قاتار, ٶكپە قۋىسىندا قان, اۋا جينالىپ قالعانى انىقتالدى. بالاعا شۇعىل تٷردە وتا جاسالدى. وپەراتسييا كەزٸندە بٸز سول جاق ٶكپەسٸن تٸكتٸك. كٸشكەنتاي ناۋقاس بەس كٷن جانساقتاۋ بٶلٸمٸندە جاتتى. كەيٸن جاعدايى جاقسارعان سوڭ پالاتاعا اۋىستىردىق. 25 سەۋٸر كٷنٸ اۋرۋحانادا ٷيٸنە شىقتى», – دەدٸ بالالار شۇعىل مەديتسينالىق جەردەم ورتالىعى باس دەرٸگەرٸنٸڭ ورىنباسارى دٸنمۇحامەد رۋزۋددينوۆ.
دەرٸگەردٸڭ ايتۋىنشا, ماماندار ونىڭ جاعدايىن كٷن سايىن باقىلاپ وتىرادى.
«پەرٸشتەسٸ قاققان قىز بالانى اتا-اناسى الداعى ۋاقىتتا مٸندەتتٸ تٷردە وڭالتۋدان ٶتكٸزۋلەرٸ كەرەك», - دەدٸ دەرٸگەر.
