Almatyda QR Parlamenti Májilisi men Máslihat depýtattarynyń sailaýy jóninde aqparat beretin koll-ortalyq ashyldy.
Bul týraly onlain brifing barysynda Almaty qalasy aýmaqtyq sailaý komissiiasynyń tóraiymy Janna Asanova málim etti, dep habarlaidy "Ult aqparat".
Óziniń daýys beretin sailaý ýchaskesin teksergisi keletin jáne daýys berýge qatysý jóninde málimet alǵysy keletin qala turǵyndary 221-10-01 nómirindegi biryńǵai Call -ortalyqqa habarlasyp, maǵlumat ala alady. Ol jerde aranaiy oqýdan ótken mamandar sailaýǵa qatysty barlyq zańnama normalaryn túsinidirip beredi.
Almaty qalasy aýmaqtyq sailaý komissiiasynyń tóraǵasy Janna Asanovanyń aitýynsha, bul Call-ortalyqty ashýdaǵy basty maqsat – qala turǵyndaryna keńinen aqparat berip, olardyń sailaýǵa belsene qatysýyn qamtamasyz etý.
Sailaýǵa 18 jasqa tolǵan Qazaqstannyń barlyq azamaty qatysa alady. Bul olardyń Konstitýtsiialyq quqyǵy. Degenmen sailaýda daýys berý úrdisi Qazaqstan Konstitýtsiiasymen qatań belgilengen. Azamattar aldymen daýys berý tiziminde bolýy shart, iaǵni naqty bir daýys berý ýchaskesindegi tizimde. Ol azamattardyń naqty turǵylyqty jeri boiynsha jasalady. Osy maqsatta biz Call-ortalyqty ashyp otyrmyz. Qala turǵyndary ol jerge habarlasyp, naqty qai ýchaskede turǵanyn bile alady»,-deidi Janna Asanova.
Eske salaiyq, QR Parlamenti Májilisi men Máslihat depýtattaryn sailaý 2021 jyldyń 10 qańtaryna belgilengen.
