Almaty boiynsha 5 saiasi partiianyń filialy Almaty qalasy máslihaty depýtattyǵyna kandidattardyń partiialyq tizimin usyndy. Bul týraly Almaty qalasy aýmaqtyq sailaý komissiiasynyń tóraiymy Janna Asanova onlain brifing barysynda aitty, dep habarlaidy "Ult aqparat".
Spikerdiń aitýynsha, «Nur Otan» partiiasy» - 15 qarashada 78 adamǵa, «Aýyl» halyqtyq-demokratiialyq patriottyq partiiasy» - 25 qarashada 6 adamǵa, «Aq jol» QDP - 30 qarashada 15 adamǵa, «Qazaqstannyń Halyq partiiasy» - 3 jeltoqsanda 15 adamǵa, «Adal» saiasi partiiasy» 4 jeltoqsanda 2020 jyly 5 adamǵa tizim bergen.
Almaty qalalyq máslihatyndaǵy 39 depýtattyq mandatqa barlyǵy 119 adam usynyldy.
«Qazaqstan Respýblikasyndaǵy Sailaý týraly» Konstitýtsiialyq Zańnyń 102-babyna sáikes, máslihat depýtattyǵyna úmitkerlerdiń belgilengen talaptarǵa sáikestigi anyqtaldy. Ol týraly Almaty qalasy aýmaqtyq sailaý komissiiasynyń tiisti qaýlylary qabyldandy.
«Qazaqstan Respýblikasyndaǵy Sailaý týraly» Qazaqstan Respýblikasy Konstitýtsiialyq Zańynyń 105-baby 1-tarmaǵyna sáikes Jaqypbekov Asan Amangeldiulynyń 2020 jylǵy 8 jeltoqsandaǵy ótinishi negizinde Almaty qalasynyń aýmaqtyq sailaý komissiiasy ony «Qazaqstannyń Halyq partiiasy» qoǵamdyq birlestiginiń Almaty qalalyq filialynyń partiialyq tiziminen shyǵarý týraly qaýly qabyldady.
«Osylaisha, úmitkerlerdiń jalpy sany 118 boldy. Qajetti qujattardy tapsyrǵannan keiin, sondai-aq sailaý jarnasyn engizgennen keiin barlyq partiialyq tizimder tirkeldi. Partiialar 29 jasqa tolmaǵan jastar men áielderdiń kvotasy boiynsha talaptardy oryndaǵanyn atap ótý qajet», - dedi Janna Asanova.
Onyń aitýynsha, «Nur Otan» partiiasy boiynsha 78 adamnyń 29-y kvota boiynsha ótedi (37,2%). Áielder - 27 adam, erler - 51 adam. Usynylǵan eń kishi úmitkerdiń jasy - 20 jas, eń úlkeni - 64 jas.
«Aýyl» HDPP kvota boiynsha 6 adamnan 2 adam nemese 33,3 % ótedi, ekeýi de - áiel. Erler tiisinshe 4 adam. Eń kishisi - 28 jasta, eń úlkeni - 52 jasta.
«Adal» saiasi partiiasynan kvota boiynsha 3 adam nemese 60% ótedi. 2 er, 2 áiel adam. Eń kishisi – 24 jasta, eń úlkeni - 45 jasta.
«Aq jol» QDP kvota boiynsha 6 nemese 40% ótedi. Eń kishisi - 22 jasta, eń úlkeni - 70 jasta.
QHP kvota boiynsha 6 adam nemese 42,9% ótedi. Eń kishisi - 20 jasta, eń úlkeni - 64 jasta.
118 adamnyń 46-sy qajetti kvotaǵa kiredi, bul barlyq úmitkerlerdiń 39%-y bolyp otyr.
Qazirgi ýaqytta memlekettik kiris organdary kandidattar jariialaǵan kirister men múlik týraly málimetterdiń durystyǵyn tekserip jatyr.
