الماتى بويىنشا 5 ساياسي پارتييانىڭ فيليالى الماتى قالاسى مەسليحاتى دەپۋتاتتىعىنا كانديداتتاردىڭ پارتييالىق تٸزٸمٸن ۇسىندى. بۇل تۋرالى الماتى قالاسى اۋماقتىق سايلاۋ كوميسسيياسىنىڭ تٶرايىمى جاننا اسانوۆا ونلاين بريفينگ بارىسىندا ايتتى, دەپ حابارلايدى "ۇلت اقپارات".
سپيكەردٸڭ ايتۋىنشا, «Nur Otan» پارتيياسى» - 15 قاراشادا 78 ادامعا, «اۋىل» حالىقتىق-دەموكراتييالىق پاتريوتتىق پارتيياسى» - 25 قاراشادا 6 ادامعا, «اق جول» قدپ - 30 قاراشادا 15 ادامعا, «قازاقستاننىڭ حالىق پارتيياسى» - 3 جەلتوقساندا 15 ادامعا, «Adal» ساياسي پارتيياسى» 4 جەلتوقساندا 2020 جىلى 5 ادامعا تٸزٸم بەرگەن.
الماتى قالالىق مەسليحاتىنداعى 39 دەپۋتاتتىق مانداتقا بارلىعى 119 ادام ۇسىنىلدى.
«قازاقستان رەسپۋبليكاسىنداعى سايلاۋ تۋرالى» كونستيتۋتسييالىق زاڭنىڭ 102-بابىنا سەيكەس, مەسليحات دەپۋتاتتىعىنا ٷمٸتكەرلەردٸڭ بەلگٸلەنگەن تالاپتارعا سەيكەستٸگٸ انىقتالدى. ول تۋرالى الماتى قالاسى اۋماقتىق سايلاۋ كوميسسيياسىنىڭ تيٸستٸ قاۋلىلارى قابىلداندى.
«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسييالىق زاڭىنىڭ 105-بابى 1-تارماعىنا سەيكەس جاقىپبەكوۆ اسان امانگەلدٸۇلىنىڭ 2020 جىلعى 8 جەلتوقسانداعى ٶتٸنٸشٸ نەگٸزٸندە الماتى قالاسىنىڭ اۋماقتىق سايلاۋ كوميسسيياسى ونى «قازاقستاننىڭ حالىق پارتيياسى» قوعامدىق بٸرلەستٸگٸنٸڭ الماتى قالالىق فيليالىنىڭ پارتييالىق تٸزٸمٸنەن شىعارۋ تۋرالى قاۋلى قابىلدادى.
«وسىلايشا, ٷمٸتكەرلەردٸڭ جالپى سانى 118 بولدى. قاجەتتٸ قۇجاتتاردى تاپسىرعاننان كەيٸن, سونداي-اق سايلاۋ جارناسىن ەنگٸزگەننەن كەيٸن بارلىق پارتييالىق تٸزٸمدەر تٸركەلدٸ. پارتييالار 29 جاسقا تولماعان جاستار مەن ەيەلدەردٸڭ كۆوتاسى بويىنشا تالاپتاردى ورىنداعانىن اتاپ ٶتۋ قاجەت», - دەدٸ جاننا اسانوۆا.
ونىڭ ايتۋىنشا, «Nur Otan» پارتيياسى بويىنشا 78 ادامنىڭ 29-ى كۆوتا بويىنشا ٶتەدٸ (37,2%). ەيەلدەر - 27 ادام, ەرلەر - 51 ادام. ۇسىنىلعان ەڭ كٸشٸ ٷمٸتكەردٸڭ جاسى - 20 جاس, ەڭ ٷلكەنٸ - 64 جاس.
«اۋىل» حدپپ كۆوتا بويىنشا 6 ادامنان 2 ادام نەمەسە 33,3 % ٶتەدٸ, ەكەۋٸ دە - ەيەل. ەرلەر تيٸسٸنشە 4 ادام. ەڭ كٸشٸسٸ - 28 جاستا, ەڭ ٷلكەنٸ - 52 جاستا.
«Adal» ساياسي پارتيياسىنان كۆوتا بويىنشا 3 ادام نەمەسە 60% ٶتەدٸ. 2 ەر, 2 ەيەل ادام. ەڭ كٸشٸسٸ – 24 جاستا, ەڭ ٷلكەنٸ - 45 جاستا.
«اق جول» قدپ كۆوتا بويىنشا 6 نەمەسە 40% ٶتەدٸ. ەڭ كٸشٸسٸ - 22 جاستا, ەڭ ٷلكەنٸ - 70 جاستا.
قحپ كۆوتا بويىنشا 6 ادام نەمەسە 42,9% ٶتەدٸ. ەڭ كٸشٸسٸ - 20 جاستا, ەڭ ٷلكەنٸ - 64 جاستا.
118 ادامنىڭ 46-سى قاجەتتٸ كۆوتاعا كٸرەدٸ, بۇل بارلىق ٷمٸتكەرلەردٸڭ 39%-ى بولىپ وتىر.
قازٸرگٸ ۋاقىتتا مەملەكەتتٸك كٸرٸس ورگاندارى كانديداتتار جارييالاعان كٸرٸستەر مەن مٷلٸك تۋرالى مەلٸمەتتەردٸڭ دۇرىستىعىن تەكسەرٸپ جاتىر.
