Almaty qalasy ákiminiń orynbasary Erjan Babaqumarov onlain formatta saiasi qýǵyn-súrgin qurbandaryn aqtaý máseleleri jónindegi qalalyq komissiianyń ekinshi otyrysyn ótkizdi, dep habarlady "Ult aqparat".
Komissiia jumysynyń basty maqsaty - saiasi qýǵyn-súrgin qurbandaryn aqtaý máselelerin jan-jaqty zertteý jáne sheshý.
Almatyda qalalyq komissiiasynyń 2021 jylǵa arnalǵan jumys jospary iske asyrylýda, onyń aiasynda ǵylymi, saraptamalyq áleýeti jáne barlyq múddeli uiymdardy tarta otyryp, jumys júrgizilýde. 9 qalalyq jumys toby qurylyp, muraǵat kózderi men basqa da materialdardy jinaý, zerdeleý boiynsha negizgi baǵyttar aiqyndaldy.
Komissiia tóraǵasynyń orynbasary, Abai atyndaǵy Qazaq ulttyq pedagogikalyq ýniversitetiniń kafedra meńgerýshisi, tarih ǵylymdarynyń doktory, dotsent Baýyrjan Janǵuttin qýǵyn-súrgin túrlerin, qýǵyn-súrginge ushyraǵandardyń sanattaryn naqtylaý jáne jinaqtalǵan aqparat tizbesin qalyptastyrý boiynsha jumys júrgizilip jatqanyn aitty.
Saiasi qýǵyn-súrgin qurbandarynyń barlyq sanattaryna qatysty tarihi ádilettilikti qalpyna keltirý jónindegi jumys tásilderi boiynsha jumys toptarynyń jetekshileri Sh. Zabih, M. Gýbaidýllina, A. Qudaibergenova, N. Alpysbaeva, B. Qabdýshev, G. Nurymbetova, G. Muqanova, T. Qultaev, Z. Tólenova tyńdaldy.
Almaty qalasy Qoǵamdyq keńesiniń tóraǵasy, ekonomika ǵylymdarynyń doktory, professor R. Alshanov, «Ortalyq Memlekettik muraǵat» respýblikalyq memlekettik mekemesiniń direktory S. Sheldibai jáne t. b. usynystar men túsiniktemeler berdi.
Qalalyq komissiia tóraǵasy, Almaty qalasy ákiminiń orynbasary Erjan Babaqumarov barlyq aqparatty jinaýdyń mańyzdylyǵyn atap ótti. Barlyq muraǵattyq derekterdi retke keltirý jáne toptastyrý negizsiz bolǵan saiasi qýǵyn-súrgin qurbandaryn tolyq aqtaýǵa eleýli serpin beredi. Osyǵan bailanysty qýǵyn-súrginge ushyraǵandardy eske alýǵa arnalǵan biryńǵai sait, sondai-aq Almaty aýmaǵynda qamaý oryndarynyń interaktivti kartasyn qurý múmkindigin pysyqtaý tapsyryldy.
Komissiia jumysy tiimdiliginiń basty kórsetkishi ótken ǵasyrdyń 30-jyldary repressiiaǵa ushyraǵan taǵdyr ielerin, olardyń esimderin, qala turǵyndaryn aqtaý bolyp tabylady, sol arqyly el Prezidenti Qasym-Jomart Toqaevtyń QR saiasi qýǵyn-súrgin jáne asharshylyq qurbandaryn tolyq aqtaý jónindegi tapsyrmasy oryndalady. Osy baǵytta sapaly jumysty bastaý da tapsyrylǵan.
Almaty qalasy komissiiasynyń jumys toptaryna saiasi sebepter boiynsha negizsiz qýǵyn-súrginge ushyraǵandar týraly aqparat almasý jáne birlesken jumystyń tiimdiligin arttyrý úshin eldiń ózge qalalyq jáne óńirlik komissiialarymen ózara is-qimyl júiesin jolǵa qoiý, sondai-aq sheteldik muraǵattarmen jumys máselesin pysyqtaý tapsyryldy. Qalalyq basqarmalar men tiisti uiymdar saiasi qýǵyn-súrgin qurbandaryn aqtaý máseleleri jónindegi komissiianyń jumysyna járdem kórsetýi qajet.
Aita keteiik, saiasi qýǵyn-súrgin qurbandaryn aqtaý jónindegi qalalyq komissiianyń jumysy QR Prezidenti Qasym-Jomart Toqaevtyń 2020 jylǵy 24 qarashadaǵy «Saiasi qýǵyn-súrgin qurbandaryn tolyq aqtaý jónindegi memlekettik komissiia týraly» Jarlyǵyna sáikes bastaldy.
