الماتى قالاسى ەكٸمٸنٸڭ ورىنباسارى ەرجان باباقۇماروۆ ونلاين فورماتتا ساياسي قۋعىن-سٷرگٸن قۇرباندارىن اقتاۋ مەسەلەلەرٸ جٶنٸندەگٸ قالالىق كوميسسييانىڭ ەكٸنشٸ وتىرىسىن ٶتكٸزدٸ, دەپ حابارلادى "ۇلت اقپارات".
كوميسسييا جۇمىسىنىڭ باستى ماقساتى - ساياسي قۋعىن-سٷرگٸن قۇرباندارىن اقتاۋ مەسەلەلەرٸن جان-جاقتى زەرتتەۋ جەنە شەشۋ.
الماتىدا قالالىق كوميسسيياسىنىڭ 2021 جىلعا ارنالعان جۇمىس جوسپارى ٸسكە اسىرىلۋدا, ونىڭ اياسىندا عىلىمي, ساراپتامالىق ەلەۋەتٸ جەنە بارلىق مٷددەلٸ ۇيىمداردى تارتا وتىرىپ, جۇمىس جٷرگٸزٸلۋدە. 9 قالالىق جۇمىس توبى قۇرىلىپ, مۇراعات كٶزدەرٸ مەن باسقا دا ماتەريالداردى جيناۋ, زەردەلەۋ بويىنشا نەگٸزگٸ باعىتتار ايقىندالدى.
كوميسسييا تٶراعاسىنىڭ ورىنباسارى, اباي اتىنداعى قازاق ۇلتتىق پەداگوگيكالىق ۋنيۆەرسيتەتٸنٸڭ كافەدرا مەڭگەرۋشٸسٸ, تاريح عىلىمدارىنىڭ دوكتورى, دوتسەنت باۋىرجان جانعۇتتين قۋعىن-سٷرگٸن تٷرلەرٸن, قۋعىن-سٷرگٸنگە ۇشىراعانداردىڭ ساناتتارىن ناقتىلاۋ جەنە جيناقتالعان اقپارات تٸزبەسٸن قالىپتاستىرۋ بويىنشا جۇمىس جٷرگٸزٸلٸپ جاتقانىن ايتتى.
ساياسي قۋعىن-سٷرگٸن قۇرباندارىنىڭ بارلىق ساناتتارىنا قاتىستى تاريحي ەدٸلەتتٸلٸكتٸ قالپىنا كەلتٸرۋ جٶنٸندەگٸ جۇمىس تەسٸلدەرٸ بويىنشا جۇمىس توپتارىنىڭ جەتەكشٸلەرٸ ش. زابيح, م. گۋبايدۋللينا, ا. قۇدايبەرگەنوۆا, ن. الپىسباەۆا, ب. قابدۋشەۆ, گ. نۇرىمبەتوۆا, گ. مۇقانوۆا, ت. قۇلتاەۆ, ز. تٶلەنوۆا تىڭدالدى.
الماتى قالاسى قوعامدىق كەڭەسٸنٸڭ تٶراعاسى, ەكونوميكا عىلىمدارىنىڭ دوكتورى, پروفەسسور ر. الشانوۆ, «ورتالىق مەملەكەتتٸك مۇراعات» رەسپۋبليكالىق مەملەكەتتٸك مەكەمەسٸنٸڭ ديرەكتورى س. شەلدٸباي جەنە ت. ب. ۇسىنىستار مەن تٷسٸنٸكتەمەلەر بەردٸ.
قالالىق كوميسسييا تٶراعاسى, الماتى قالاسى ەكٸمٸنٸڭ ورىنباسارى ەرجان باباقۇماروۆ بارلىق اقپاراتتى جيناۋدىڭ ماڭىزدىلىعىن اتاپ ٶتتٸ. بارلىق مۇراعاتتىق دەرەكتەردٸ رەتكە كەلتٸرۋ جەنە توپتاستىرۋ نەگٸزسٸز بولعان ساياسي قۋعىن-سٷرگٸن قۇرباندارىن تولىق اقتاۋعا ەلەۋلٸ سەرپٸن بەرەدٸ. وسىعان بايلانىستى قۋعىن-سٷرگٸنگە ۇشىراعانداردى ەسكە الۋعا ارنالعان بٸرىڭعاي سايت, سونداي-اق الماتى اۋماعىندا قاماۋ ورىندارىنىڭ ينتەراكتيۆتٸ كارتاسىن قۇرۋ مٷمكٸندٸگٸن پىسىقتاۋ تاپسىرىلدى.
كوميسسييا جۇمىسى تيٸمدٸلٸگٸنٸڭ باستى كٶرسەتكٸشٸ ٶتكەن عاسىردىڭ 30-جىلدارى رەپرەسسيياعا ۇشىراعان تاعدىر يەلەرٸن, ولاردىڭ ەسٸمدەرٸن, قالا تۇرعىندارىن اقتاۋ بولىپ تابىلادى, سول ارقىلى ەل پرەزيدەنتٸ قاسىم-جومارت توقاەۆتىڭ قر ساياسي قۋعىن-سٷرگٸن جەنە اشارشىلىق قۇرباندارىن تولىق اقتاۋ جٶنٸندەگٸ تاپسىرماسى ورىندالادى. وسى باعىتتا ساپالى جۇمىستى باستاۋ دا تاپسىرىلعان.
الماتى قالاسى كوميسسيياسىنىڭ جۇمىس توپتارىنا ساياسي سەبەپتەر بويىنشا نەگٸزسٸز قۋعىن-سٷرگٸنگە ۇشىراعاندار تۋرالى اقپارات الماسۋ جەنە بٸرلەسكەن جۇمىستىڭ تيٸمدٸلٸگٸن ارتتىرۋ ٷشٸن ەلدٸڭ ٶزگە قالالىق جەنە ٶڭٸرلٸك كوميسسييالارىمەن ٶزارا ٸس-قيمىل جٷيەسٸن جولعا قويۋ, سونداي-اق شەتەلدٸك مۇراعاتتارمەن جۇمىس مەسەلەسٸن پىسىقتاۋ تاپسىرىلدى. قالالىق باسقارمالار مەن تيٸستٸ ۇيىمدار ساياسي قۋعىن-سٷرگٸن قۇرباندارىن اقتاۋ مەسەلەلەرٸ جٶنٸندەگٸ كوميسسييانىڭ جۇمىسىنا جەردەم كٶرسەتۋٸ قاجەت.
ايتا كەتەيٸك, ساياسي قۋعىن-سٷرگٸن قۇرباندارىن اقتاۋ جٶنٸندەگٸ قالالىق كوميسسييانىڭ جۇمىسى قر پرەزيدەنتٸ قاسىم-جومارت توقاەۆتىڭ 2020 جىلعى 24 قاراشاداعى «ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييا تۋرالى» جارلىعىنا سەيكەس باستالدى.
