Almaty ákimdigi koronavirýstyń taralýyn boldyrmaý maqsatynda barlyq saiabaqtardy japty, dep habarlaidy "Ult aqparat".
«Koronavirýstyń budan ári taralýynyń aldyn alý maqsatynda 2020 jyldyń 21 naýryzynan bastap Almaty qalasyndaǵy barlyq ulttyq saiabaqtar ýaqytsha jabylady. Almatylyqtardan karantin kezinde Tuńǵysh Prezident saiabaǵyna, Ortalyq mádeniet jáne demalys saiabaǵyna, 28 Panfilovshy parkine, Family Park-ke, Botanikalyq baqqa, «Qiial álemi» saiabaǵyna, Almaty zoobaǵyna, Alma-arasan jáne ózge de adam kóp jinalatyn oryndarǵa barýdan bas tartýdy suraimyz», - delingen resmi málimdemede.
Eske sala ketsek, budan buryn qala ákimdiginiń sheshimimen Medeý, Shymbulaq, Pioner, Kóktóbe, sondai-aq ishki týrizm boiynsha ekskýrsiialardy júzege asyratyn týristik uiymdardyń qyzmeti epidemiologiialyq ahýal turaqtanǵanǵa deiin ýaqytsha toqtatylǵan bolatyn.
Sondai-aq, Týrizm basqarmasy koronavirýs tirkelgen qaýipti kategoriialy elderge qatynaityn jáne sol elderden bizge keletin týrlardy ýaqytsha toqtatýǵa usynys bildirgen bolatyn. COVID-19 budan ári taralýynyń aldyn alý maqsatynda adam kóp jinalatyn oryndardaǵy saqtyq sharalaryn qatań qadaǵalaý týraly nusqaýlyqtar taratyldy.
Eske salaiyq, Almatyda koronavirýs anyqtalǵan 10 oshaq tirkelip, turǵyn úiler karantinge alyndy.
