Almatyda Nazarbaev dańǵylynda ornalasqan saýda úiinen adamdar evakýatsiialandy, dep habarlaidy "Ult aqparat".
Nazarbaev dańǵylyndaǵy «Ramstore ALL IN» saýda ortalyǵynyń kelýshileri men qyzmetkerleri kúdik týdyrǵan zatqa bailanysty evakýatsiialandy.
Oqiǵanyń sýretteri men videolary áleýmettik jelide paida boldy.
Almaty qalalyq politsiia departamentiniń baspasóz qyzmetiniń habarlaýynsha, oqiǵa ornyna birinshi bolyp qalanyń tótenshe jaǵdailar departamenti men patrýldik politsiia qyzmetkerleri jetti. Olar ǵimaratty qorshaýǵa alyp, adamdardy syrtqa shyǵardy.
«Mamandar qaldyryp ketken dorbany zerttedi. Onyń ishinen jarylǵysh qurylǵyǵa uqsaityn zattar tabyldy. Bul ádeii jasalǵan. Shyndyǵynda, olar eshqandai qaýip tóndirmedi. Qazir nysan qalypty rejimde jumys istep tur. Politsiia ony tastap ketken adamnyń jeke basyn anyqtaýǵa kiristi», - dep habarlady politsiiadan.
Aita keteiik, ǵimaratta kommertsiialyq nysandar, bank filialdary, keńseler de ornalasqan.
