الماتىدا نازارباەۆ داڭعىلىندا ورنالاسقان ساۋدا ٷيٸنەن ادامدار ەۆاكۋاتسييالاندى, دەپ حابارلايدى "ۇلت اقپارات".
نازارباەۆ داڭعىلىنداعى «Ramstore ALL IN» ساۋدا ورتالىعىنىڭ كەلۋشٸلەرٸ مەن قىزمەتكەرلەرٸ كٷدٸك تۋدىرعان زاتقا بايلانىستى ەۆاكۋاتسييالاندى.
وقيعانىڭ سۋرەتتەرٸ مەن ۆيدەولارى ەلەۋمەتتٸك جەلٸدە پايدا بولدى.
الماتى قالالىق پوليتسييا دەپارتامەنتٸنٸڭ باسپاسٶز قىزمەتٸنٸڭ حابارلاۋىنشا, وقيعا ورنىنا بٸرٸنشٸ بولىپ قالانىڭ تٶتەنشە جاعدايلار دەپارتامەنتٸ مەن پاترۋلدٸك پوليتسييا قىزمەتكەرلەرٸ جەتتٸ. ولار عيماراتتى قورشاۋعا الىپ, ادامداردى سىرتقا شىعاردى.
«ماماندار قالدىرىپ كەتكەن دوربانى زەرتتەدٸ. ونىڭ ٸشٸنەن جارىلعىش قۇرىلعىعا ۇقسايتىن زاتتار تابىلدى. بۇل ەدەيٸ جاسالعان. شىندىعىندا, ولار ەشقانداي قاۋٸپ تٶندٸرمەدٸ. قازٸر نىسان قالىپتى رەجيمدە جۇمىس ٸستەپ تۇر. پوليتسييا ونى تاستاپ كەتكەن ادامنىڭ جەكە باسىن انىقتاۋعا كٸرٸستٸ», - دەپ حابارلادى پوليتسييادان.
ايتا كەتەيٸك, عيماراتتا كوممەرتسييالىق نىساندار, بانك فيليالدارى, كەڭسەلەر دە ورنالاسقان.
