Almatyda trotýarda samokat aidap ketip bara jatqan qyz ben jigit tórt jastaǵy balany qaǵyp, oqiǵa ornynan qashyp ketti, dep habarlaidy "Ult aqparat".
Video áleýmettik jelide paida boldy.
Almaty qalalyq Politsiia departamentiniń málimetinshe, oqiǵa 2 mamyr kúni Nazarbaev dańǵyly men Qabanbai batyr kóshesiniń qiylysynda bolǵan.
Kóp uzamai politsiia kinálini anyqtady. Ol 24 jastaǵy Almaty oblysy Ile aýdanynyń turǵyny bolyp shyqty.
«Er adam kinásin birden moiyndady, ol jaýapkershilikten qorqyp, balany qaǵyp ketken soń qashyp ketkenin aitty. Samokat júrgizýshisi janynda qyzy bolǵanyn aitty. Er adamǵa QR ÁQBtK-niń 615-baby 2-bóligi «Jábirlenýshiniń densaýlyǵyna qylmystyq jazalanatyn is-áreket belgileri joq ziian keltirýge ákep soqqan ne materialdyq zalal keltirgen áreket» boiynsha ákimshilik hattama toltyryldy. Oqiǵanyń mán-jaiy anyqtalyp jatyr», - dedi Almaly aýdandyq politsiia basqarmasynyń basshysy Esen Ysqaqov.
