Almaty qalasynyń Samal-3 shaǵynaýdany, 21-úidiń qasbetinde KSRO Halyq artisi, aty ańyzǵa ainalǵan ánshi Roza Baǵlanova beinelengen mýral paida boldy, dep habarlaidy ult.kz.
Mýral turǵyndardyń ákimdikke joldaǵan ótinishi negizinde salyndy. Osydan keiin kórkem nysandy jasaý jumystary uiymdastyryldy. Jobanyń mańyzyn arttyra túsetin erekshe jait — Roza Baǵlanovanyń kezinde dál osy úide turǵany. Endi ǵimarat qasbeti uly óner iesine degen qurmet pen taǵzymnyń belgisine ainaldy.
Jobany daiyndaý jáne júzege asyrý jumystaryna Roza Baǵlanovanyń kelini Maral Baǵlanova da qatysty. Ol mýralǵa joǵary baǵa berip, joba avtorlaryna alǵys aitty.
Endi Halyq artisiniń beinesi halyq jadynda ǵana emes, Almaty qalasynyń sáýlettik kelbetinde de máńgilik kórinis tapty.
