Almaty qalasy Qoǵamdyq densaýlyq saqtaý departamenti er adam shabýylynan zardap shekken áielderdiń jaǵdaiy týraly aitty, - dep habarlaidy Tengrinews.kz.
Zardap shekkender №7 qalalyq klinikalyq aýrýhanaǵa jetkizilgen.
"Naýqas S. 23 jasta, kókirek pen qursaq qýysyna zaqym kelgen. Naýqas shuǵyl túrde jansaqtaý bólimine jatqyzyldy. Jaǵdaiy turaqty, aýyr. Naýqas H. 52 jasta, aýrýhananyń hirýrgiia bólimshesine jatqyzyldy. Jaǵdaiy ortasha, dinamikada nasharlaý joq. Statsionarlyq em qabyldap jatyr", - dedi Qalalyq densaýlyq saqtaý departamenti qyzmetkerleri.
Aita keteiik, Almatyda pyshaq ustaǵan er adam áielge shabýyl jasaǵany habarlanǵan bolatyn. Kýágerlerdiń biri kórshisi áieline 11 ret pyshaq suqqanyn habarlaǵan. Sebebi áiel oǵan balasyn kórsetkisi kelmegen.
Keiin Ulttyq gvardiia serjanty eki áielge pyshaqpen shabýyl jasaǵan er adamdy ustady.
