Búgin kandidattar aldaǵy debattarǵa qatysý úshin ózderiniń rettik nómirlerin tikelei efirde bildi, dep habarlaidy "Ult aqparat".
«Nur Otan» partiiasy Almaty qalalyq filialy tóraǵasynyń birinshi orynbasary Stanislav Kankýrovtyń aitýynsha, kópshilik pikirsaiysqa qatysýshylardyń jerebesi loto qaǵidaty boiynsha onlain rejimde ótkiziledi. Jerebe tartý rásimin kino men teatrdyń tanymal akterleri Azamat Satybaldy men Gúlbahram Baibosynova ótkizdi.
«Tikelei efirde júrgizýshiler ashyq barabannan kezdeisoq nómirlerdi alyp shyǵardy, osy ýaqytta úlken ekranda kandidattardyń derekteri alfavittik retpen kórsetildi. Osylaisha, árbir qatysýshy tikelei efirde «Nur Otan» partiiasynyń Almaty qalalyq jáne aýdandyq filialdarynyń resmi akkaýnttarynda debatqa qatysý nómirin, ýaqyty men kúnin kóre aldy. Bul sharalar karantindik sharalardy qatań saqtaý qajettiliginen, sondai-aq jerebe tastaý rásiminiń maksimaldy ashyqtyǵyn arttyrý maqsatynda týyndady», - dedi Kankýrov.
Jariia pikirsaiys 14 qyrkúiekte bastalyp, 30 qyrkúiekte aiaqtalady.
Esterińizge sala keteiik, Almatyda 225 qatysýshynyń ishinen praimerizge áielderdiń 35% - y, 35 jasqa deiingi jastardyń 32% - y, sondai-aq erekshe qajettilikteri bar adamdar, kóp balaly analar, eriktiler jáne basqalar tirkelgen.
Úgit jumystary 7 qyrkúiekte bastaldy jáne búgingi kúni kandidattar ZOOM arqyly bastaýysh partiia uiymdarynyń tóraǵalarymen onlain-kezdesýler, karantindik normalardy qatań saqtai otyryp, ashyq alańdarda jáne jeldetiletin úi-jailarda oflain kezdesýler arqyly 300-den astam is-shara ótkizdi.
