Qoǵamdyq keńestiń otyrysynda Almaty qalasy ákiminiń orynbasary Erlan Áýkenov biryńǵai 112 dispetcherlik qyzmettiń jobasy týraly aityp berdi, dep habarlaidy QazAqparat tilshisi.
Jobany iske qosý 2019 jyldyń jeltoqsan aiyna josparlanǵan.
«Jyl sońyna deiin jańa jobany qosýdy josparlap otyrmyz. 101, 102, 103 qońyraýlary biryńǵai 112 qyzmet túrine biriktiriletin bolady. Bul halyqaralyq tájiribe. Sondai-aq, shaqyrý jáne qyzmet kórsetý ýaqyty eki esege qysqarady», - deidi Erlan Áýkenov.
102 qyzmetine qońyraý kóp túsetin bolǵandyqtan,jumysqa qosymsha operatorlar alynǵan.
«Taldaý jasadyq. Qońyraýlarǵa qatysty shaǵymdar men eskertýler kóp boldy. Qyzmet kórsetý sapasymen, telefonmen sóilesý jaiynda máseleler týyndady. Biz 10 oryndy 14-ke kóbeittik. Sondai-aq, operatorlardyń eńbekaqysyn 35 myńnan 90 myń teńgege deiin kóterdik. Qosymsha taǵy 4 operator jumysqa alyndy», - dedi ol.
Onyń aitýynsha jarty jylda 102 qyzmetine 377 myń adam qońyraý shalǵan. Olardyń bári tekserilip jatyr. Búgingi kúnge deiin telefondy kótermeý nemese tastai salý týraly shaǵymdar túsken joq.
Budan basqa, Almaty qalasy ákiminiń orynbasary, biylǵy jyldyń kúzinde Almaty qalasynyń barlyq aýdandyq politsiia bólimderinde 12 zamanaýi front-keńseler ashylatynyn aitty. Alǵashqy front-keńse qantar aiynda Túrksib aýdanynda ashylǵan.
Front-keńseler politsiia bólimshesine kelgen adamdarǵa yńǵaily. Olar ózderine tiesili qyzmetti zamanaýi jabdyqtalǵan, úlken keńsede alyp jatyr.
«Biz «bir tereze» qaǵidaty boiynsha qolaily jaǵdai jasai alatyn úlken, ádemi frontaldy keńse ashtyq. Óte qolaily, kútý ýaqyty 1 saǵat 20 minýtqa deiin kemidi, mekemede sybailas jemqorlyq azaiyp, jarty jylda 15 myń adam jańa keńseden qyzmetterin aldy», - deidi qala ákiminiń orynbasary.
