Almatyda buzaqylar jolaýshylar avtobýsyna tas laqtyryp, áinekterin syndyrdy. Politsiia kúdiktiniń kim ekenin anyqtady, dep habarlaidy QazAqparat.
Terezesi shaǵylǵan avtobýstyń videosy men sýreti áleýmetik jelide paida boldy.
«Keshe «Saialy- 2» shaǵyn aýdanynda belgisiz bireýler bir avtobýstyń áinegin syndyrǵan bolatyn. Búgin buzaqylar taǵy eki avtobýstyń terezesin taspen atyp syndyrdy. Jaqynda №25-marshrýtta avtobýs qalmaidy. Eki aptada tórt avtobýs. Bul shynymen jabaiylyq», - dep ashýlandy Facebook qoldanýshylarynyń biri.
Avtopark direktory Bekejan Syrlanov turǵyndarǵa azamattyq belsendilik tanytqany úshin alǵysyn bildirdi.
«Búgin biz jergilikti turǵyndarmen jiyn ótkizip, taspen atqylaǵan avtobýstardy kórsettik. Oǵan ýchaskelik inspektorlar men aýdan ákimdiginiń ókilderi qatysty. Basylymdardyń arqasynda Politsiia departamentiniń basshysy bul isti óz baqylaýyna aldy. Turǵyndarǵa azamattyq belsendilik tanytqany úshin alǵysymdy aitamyn», - dedi ol.
Almaty qalalyq politsiia departamentiniń baspasóz qyzmeti qazirgi ýaqytta Alataý aýdanynda osyndai úsh fakti tirkelgenin habarlady.
Buzaqylar anyqtaldy. Qazir olardyń osy áreketine quqyqtyq baǵa beriledi.
