الماتىدا بۇزاقىلار جولاۋشىلار اۆتوبۋسىنا تاس لاقتىرىپ, ەينەكتەرٸن سىندىردى. پوليتسييا كٷدٸكتٸنٸڭ كٸم ەكەنٸن انىقتادى, دەپ حابارلايدى قازاقپارات.
تەرەزەسٸ شاعىلعان اۆتوبۋستىڭ ۆيدەوسى مەن سۋرەتٸ ەلەۋمەتٸك جەلٸدە پايدا بولدى.
«كەشە «سايالى- 2» شاعىن اۋدانىندا بەلگٸسٸز بٸرەۋلەر بٸر اۆتوبۋستىڭ ەينەگٸن سىندىرعان بولاتىن. بٷگٸن بۇزاقىلار تاعى ەكٸ اۆتوبۋستىڭ تەرەزەسٸن تاسپەن اتىپ سىندىردى. جاقىندا №25-مارشرۋتتا اۆتوبۋس قالمايدى. ەكٸ اپتادا تٶرت اۆتوبۋس. بۇل شىنىمەن جابايىلىق», - دەپ اشۋلاندى Facebook قولدانۋشىلارىنىڭ بٸرٸ.
اۆتوپارك ديرەكتورى بەكەجان سىرلانوۆ تۇرعىندارعا ازاماتتىق بەلسەندٸلٸك تانىتقانى ٷشٸن العىسىن بٸلدٸردٸ.
«بٷگٸن بٸز جەرگٸلٸكتٸ تۇرعىندارمەن جيىن ٶتكٸزٸپ, تاسپەن اتقىلاعان اۆتوبۋستاردى كٶرسەتتٸك. وعان ۋچاسكەلٸك ينسپەكتورلار مەن اۋدان ەكٸمدٸگٸنٸڭ ٶكٸلدەرٸ قاتىستى. باسىلىمداردىڭ ارقاسىندا پوليتسييا دەپارتامەنتٸنٸڭ باسشىسى بۇل ٸستٸ ٶز باقىلاۋىنا الدى. تۇرعىندارعا ازاماتتىق بەلسەندٸلٸك تانىتقانى ٷشٸن العىسىمدى ايتامىن», - دەدٸ ول.
الماتى قالالىق پوليتسييا دەپارتامەنتٸنٸڭ باسپاسٶز قىزمەتٸ قازٸرگٸ ۋاقىتتا الاتاۋ اۋدانىندا وسىنداي ٷش فاكتٸ تٸركەلگەنٸن حابارلادى.
بۇزاقىلار انىقتالدى. قازٸر ولاردىڭ وسى ەرەكەتٸنە قۇقىقتىق باعا بەرٸلەدٸ.
