Áleýmettik jelide politsiia formasyn kiip, óreskel túrde jol erejesin buzǵan azamattyń beinejazbasy tarady. Ol qolynda syra ustap otyryp kólik aidaǵanyn videoǵa túsirgen.
Almaty qalasy Politsiia departamentiniń baspasóz qyzmeti atalǵan jaǵdaiǵa bailanysty túsinikteme berip, beinejazbadaǵy azamattyń quqyq qorǵaý organdarynda jumys istemeitinin habarlady.
"Tekseris nátijesinde bul adamnyń politsiiaǵa eshqandai qatysy joq jáne eshqashan Ishki ister organdarynyń qatarynda qyzmet etpegeni anyqtaldy. Ol ustalyp, politsiia formasyn zańsyz paidalanǵany jáne birqatar jol qozǵalys erejelerin buzǵany úshin jaýapqa tartyldy", - dep habarlaidy departament baspasóz qyzmetinen.
