Foto: Polisia.kz
Almaty politseileri mas júrgizýshini ustady, - dep habarlaidy "Ult aqparat" Polisia.kz saityna silteme jasap.
Túngi saǵat 00:00 shamasynda "102" pýltine Haliýllina men Talǵar traktiniń qiylysynda oryn alǵan jol-kólik oqiǵasy týraly habarlama kelip túsken.
Qońyraý shalýshynyń aitýynsha, Lada avtokóliginiń júrgizýshisi turaqta turǵan kólikti soǵyp, oqiǵa ornynan qashyp ketpek bolǵan.
"Patrýl kóligin kórgen Lada júrgizýshisi artqa sheginýge asyqqan. Biraz qýǵynnan keiin bul kólik toqtatyldy. Rólde – aiaǵynda áreń turǵan 22 jastaǵy jigit boldy. Meditsinalyq saraptama onyń mas bolǵanyn anyqtady. Sonymen qatar júrgizýshi jasaǵan birqatar quqyq buzýshylyqtar anyqtaldy: kólik quralyn alkogoldik masań kúide bola tura basqarý (QR ÁQBtK-niń 608-baby), jol-kólik oqiǵasy bolǵan jerden ketip qalý (QR ÁQBtK-niń 611-baby), jalǵan memlekettik nómirdi paidalaný (QR ÁQBtK-niń 613-baby), qarsy jolaqqa shyǵý (QR ÁQBtK-niń 596-baby), apattyq jaǵdai týǵyzý (QR ÁQBtK-niń 606-baby), baǵdarshamnyń qyzyl túsinde qiylystan ótý (QR ÁQBtK-niń 599-baby), belgilerdiń talaptaryn buzý (QR ÁQBtK-niń 601-baby), qaýipsizdik beldigin taqpaý (QR ÁQBtK-niń 593-baby), avtokóliktiń tehnikalyq jaǵdaiyn buzý (QR ÁQBtK-niń 590-baby). Kólik quralyn mas kúide basqarý deregi boiynsha óndiris materialdary sheshim qabyldaý úshin sotqa joldandy. Kólik mamandandyrylǵan aiyppul turaǵyna qoiyldy", - deidi Medeý aýdandyq politsiia basqarmasynyń bastyǵy Iliias Ómirserikov.
