فوتو: Polisia.kz
الماتى پوليتسەيلەرٸ ماس جٷرگٸزۋشٸنٸ ۇستادى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
تٷنگٸ ساعات 00:00 شاماسىندا "102" پۋلتٸنە حاليۋللينا مەن تالعار تراكتٸنٸڭ قيىلىسىندا ورىن العان جول-كٶلٸك وقيعاسى تۋرالى حابارلاما كەلٸپ تٷسكەن.
قوڭىراۋ شالۋشىنىڭ ايتۋىنشا, Lada اۆتوكٶلٸگٸنٸڭ جٷرگٸزۋشٸسٸ تۇراقتا تۇرعان كٶلٸكتٸ سوعىپ, وقيعا ورنىنان قاشىپ كەتپەك بولعان.
"پاترۋل كٶلٸگٸن كٶرگەن Lada جٷرگٸزۋشٸسٸ ارتقا شەگٸنۋگە اسىققان. بٸراز قۋعىننان كەيٸن بۇل كٶلٸك توقتاتىلدى. رٶلدە – اياعىندا ەرەڭ تۇرعان 22 جاستاعى جٸگٸت بولدى. مەديتسينالىق ساراپتاما ونىڭ ماس بولعانىن انىقتادى. سونىمەن قاتار جٷرگٸزۋشٸ جاساعان بٸرقاتار قۇقىق بۇزۋشىلىقتار انىقتالدى: كٶلٸك قۇرالىن الكوگولدٸك ماساڭ كٷيدە بولا تۇرا باسقارۋ (قر ەقبتك-نٸڭ 608-بابى), جول-كٶلٸك وقيعاسى بولعان جەردەن كەتٸپ قالۋ (قر ەقبتك-نٸڭ 611-بابى), جالعان مەملەكەتتٸك نٶمٸردٸ پايدالانۋ (قر ەقبتك-نٸڭ 613-بابى), قارسى جولاققا شىعۋ (قر ەقبتك-نٸڭ 596-بابى), اپاتتىق جاعداي تۋعىزۋ (قر ەقبتك-نٸڭ 606-بابى), باعدارشامنىڭ قىزىل تٷسٸندە قيىلىستان ٶتۋ (قر ەقبتك-نٸڭ 599-بابى), بەلگٸلەردٸڭ تالاپتارىن بۇزۋ (قر ەقبتك-نٸڭ 601-بابى), قاۋٸپسٸزدٸك بەلدٸگٸن تاقپاۋ (قر ەقبتك-نٸڭ 593-بابى), اۆتوكٶلٸكتٸڭ تەحنيكالىق جاعدايىن بۇزۋ (قر ەقبتك-نٸڭ 590-بابى). كٶلٸك قۇرالىن ماس كٷيدە باسقارۋ دەرەگٸ بويىنشا ٶندٸرٸس ماتەريالدارى شەشٸم قابىلداۋ ٷشٸن سوتقا جولداندى. كٶلٸك مامانداندىرىلعان ايىپپۇل تۇراعىنا قويىلدى", - دەيدٸ مەدەۋ اۋداندىق پوليتسييا باسقارماسىنىڭ باستىعى ٸليياس ٶمٸرسەرٸكوۆ.
