Almaty turǵyny patrýldik politsiia qyzmetkerlerinen aqsha bopsalaimyn dep ustaldy. Kúdikti ózin blogermin dep tanystyrǵan, dep habarlaidy "Ult aqparat".
Almaty qalalyq Politsiia departamentiniń málimetinshe, 34 jastaǵy B. esimdi er adam ózin patrýldik politsiia qyzmetkerlerine bloger retinde tanystyryp, arandatýshylyqtar jasamaýǵa jáne jelide video ornalastyrmaýǵa ýáde berip, aqsha bopsalaýmen ainalysqan.
«Aqsha somasy 50-den 200 myń teńgege deiingi aralyqta boldy. Bul júrgizilgen jedel jáne arnaiy is-sharalardyń nátijesinde rastaldy. Kúdiktini qamaýǵa alý qalanyń Áýezov aýdanynda, suratqan $ 300 alyp jatqan kezde júzege asyryldy. Zattai dáleldemeler tárkilendi jáne QR QK-niń 194-baby 2-bólimi boiynsha qylmystyq is materialdaryna qosa tirkeldi,» – dedi Almaty qalasy Politsiia departamenti bastyǵynyń orynbasary Rýstam Ábdrahmanov.
Kúdikti ýaqytsha ustaý izoliatoryna qamaldy. Atalǵan fakt boiynsha Politsiia departamentiniń Tergeý basqarmasy tergeý sharalaryn júrgizip jatyr.
