Almatyda politsiia qyzmetkerleriniń kóligi jol apatyna tústi, dep habarlaidy "Ult aqparat".
Jol apaty keshe túngi 3 shamasynda Almaly aýdanynda bolǵan.
Deo Neksia kóligi Abylai han kóshesimen soltústikke baǵyt alyp kele jatyp, Maqataev kóshesine baǵdarshamnyń qyzyl túsine qaramai burylǵan. Saldarynan ol eki kólik - Toiota Korolla men politsiia ekipajy otyrǵan Hiýndai Elantra mashinasymen soqtyǵysty. Deo Neksia kóliginiń rýlinde 32 jastaǵy jigit bolǵan.
Soqqynyń kesirinen Hiýndai júrgizýshisi men jolaýshylary – politsiia qyzmetkerleri jaraqat alǵan. Olar ózderine bekitilgen aýmaqta qyzmetin atqaryp júrgen.
Zardap shekkenderge meditsinalyq kómek kórsetildi.
«Bul derek Almaly aýdandyq politsiia basqarmasynyń óndirisine alyndy. Deo Neksia kóligin tizgindegen adamnyń júrgizýshilik kýáligi bolmaǵan», - dedi politsiiadan.
