الماتىدا پوليتسييا قىزمەتكەرلەرٸنٸڭ كٶلٸگٸ جول اپاتىنا تٷستٸ, دەپ حابارلايدى "ۇلت اقپارات".
جول اپاتى كەشە تٷنگٸ 3 شاماسىندا المالى اۋدانىندا بولعان.
دەو نەكسيا كٶلٸگٸ ابىلاي حان كٶشەسٸمەن سولتٷستٸككە باعىت الىپ كەلە جاتىپ, ماقاتاەۆ كٶشەسٸنە باعدارشامنىڭ قىزىل تٷسٸنە قاراماي بۇرىلعان. سالدارىنان ول ەكٸ كٶلٸك - تويوتا كوروللا مەن پوليتسييا ەكيپاجى وتىرعان حيۋنداي ەلانترا ماشيناسىمەن سوقتىعىستى. دەو نەكسيا كٶلٸگٸنٸڭ رۋلٸندە 32 جاستاعى جٸگٸت بولعان.
سوققىنىڭ كەسٸرٸنەن حيۋنداي جٷرگٸزۋشٸسٸ مەن جولاۋشىلارى – پوليتسييا قىزمەتكەرلەرٸ جاراقات العان. ولار ٶزدەرٸنە بەكٸتٸلگەن اۋماقتا قىزمەتٸن اتقارىپ جٷرگەن.
زارداپ شەككەندەرگە مەديتسينالىق كٶمەك كٶرسەتٸلدٸ.
«بۇل دەرەك المالى اۋداندىق پوليتسييا باسقارماسىنىڭ ٶندٸرٸسٸنە الىندى. دەو نەكسيا كٶلٸگٸن تٸزگٸندەگەن ادامنىڭ جٷرگٸزۋشٸلٸك كۋەلٸگٸ بولماعان», - دەدٸ پوليتسييادان.
