Almatyda politsiia kóligi qaǵyp ketken áieldiń qazirgi jaǵdaiy týraly dárigerler aityp berdi, dep habarlaidy QazAqparat.
Qalalyq Qoǵamdyq densaýlyq basqarmasynyń baspasóz qyzmeti habarlaǵandai, áiel Shuǵyl meditsinalyq kómek kórsetý aýrýhanasyna jetkizilgen.
«Patsient jabyq mi jaraqatymen, miy shaiqalyp, sol jaq iyǵy men jilinshigi synyp túsken. Qazir jansaqtaý bóliminde jatyr. Dárigerler onyń jaǵdaiyn turaqty ári aýyr dep baǵalap otyr», - dedi baspasóz qyzmeti.
Aita ketý kerek, jol apaty tańerteń Almaly aýdanynda bolǵan.
Qalalyq politsiia departamentiniń baspasóz qyzmeti habarlaǵandai, áiel Tóle bi kóshesiniń tyiym salynǵan tusynan joldy kesip ótpek bolǵan. Sol maqsatpen ol avtobýstyń artynan júgirip shyqqan. Bul sátte Tóle bi kóshesimen batysqa bet túzep kele jatqan Hiýndai markaly politsiia kóligi ony qaǵyp ketken.
