الماتىدا پوليتسييا كٶلٸگٸ قاعىپ كەتكەن ەيەلدٸڭ قازٸرگٸ جاعدايى تۋرالى دەرٸگەرلەر ايتىپ بەردٸ, دەپ حابارلايدى قازاقپارات.
قالالىق قوعامدىق دەنساۋلىق باسقارماسىنىڭ باسپاسٶز قىزمەتٸ حابارلاعانداي, ەيەل شۇعىل مەديتسينالىق كٶمەك كٶرسەتۋ اۋرۋحاناسىنا جەتكٸزٸلگەن.
«پاتسيەنت جابىق مي جاراقاتىمەن, ميى شايقالىپ, سول جاق يىعى مەن جٸلٸنشٸگٸ سىنىپ تٷسكەن. قازٸر جانساقتاۋ بٶلٸمٸندە جاتىر. دەرٸگەرلەر ونىڭ جاعدايىن تۇراقتى ەرٸ اۋىر دەپ باعالاپ وتىر», - دەدٸ باسپاسٶز قىزمەتٸ.
ايتا كەتۋ كەرەك, جول اپاتى تاڭەرتەڭ المالى اۋدانىندا بولعان.
قالالىق پوليتسييا دەپارتامەنتٸنٸڭ باسپاسٶز قىزمەتٸ حابارلاعانداي, ەيەل تٶلە بي كٶشەسٸنٸڭ تىيىم سالىنعان تۇسىنان جولدى كەسٸپ ٶتپەك بولعان. سول ماقساتپەن ول اۆتوبۋستىڭ ارتىنان جٷگٸرٸپ شىققان. بۇل سەتتە تٶلە بي كٶشەسٸمەن باتىسقا بەت تٷزەپ كەلە جاتقان حيۋنداي ماركالى پوليتسييا كٶلٸگٸ ونى قاعىپ كەتكەن.
