Almaty politseileri 190 kelige jýyq esirtki tárkiledi, dep habarlaidy "Ult aqparat".
Jyl basynan beri Almaty politsiiasy 252 esirtki qylmysyn anyqtady. Onyń 87-si esirkini saýdalaýmen bailanysty. Zańsyz ainalymnan 188 keliden astam esirtki: onyń ishinde 30 keli marihýana, 29 keli gashish jáne 400 gramǵa jýyq geroin alyndy.
«Qazirgi ýaqytta jastar arasynda keńinen taralǵan sintetikalyq esirtkini anyqtaý jáne jolyn kesý boiynsha arnaiy jumystar júrgizilip jatyr. Shara barysynda qylmystyq áreketti júzege asyratyn dilerlerdi ustaý, esirtki satýǵa arnalǵan resýrstardy anyqtaý maqsatynda ǵalamtor keńistigi baqylaýǵa alyndy», – deidi Esirtki qylmysyna qarsy kúres basqarmasynyń bastyǵy Erlan Almaǵambetov.
Sonymen qatar, ol Almatyda esirtki daiyndaityn zerthananyń anyqtalǵanyn atap ótti.
«Júrgizilgen sharalardyń arqasynda esirtki jasaityn zerthana anyqtaldy. Osy qylmysqa qatysy bar eki er adam ustaldy. Olar – 1994 jyly týǵan Q. jáne N. esimdi azamattar. Zerthanany tekserý barysynda ártúrli suiyq zattar tabyldy. Sonymen qatar, jalpy salmaǵy 25 keliden asatyn sintetikalyq esirtki men 75 keli prekýrsor tárkilendi»,– deidi E.Almaǵambetov.
Qazirgi ýaqytta, kúdiktiler Almaty qalalyq Politsiia departamentiniń ýaqytsha ustaý izoliatoryna qamaldy. Sotqa deiingi tergeý júrip jatyr.
