Almatyda Pfizer-di aqyly túrde salý máselesi qarastyrylyp jatqan joq. Bul týraly qalanyń bas memlekettik sanitariia dárigeri Qarlyǵash Ábdijabbarova aitty, dep habarlaidy QazAqparat.
«Pfizer vaktsinasy boiynsha Densaýlyq saqtaý ministrligi ony aqyly túrde jetkizý máselesin qarastyrǵan bolatyn. Ol úshin qajet kelissózder júrgizildi. Biraq búginde bul másele qarastyrylyp jatqan joq. Bas memlekettik sanitariia dárigeriniń keiingi qaýlysynda jáne bizdiń qaýlyda da atap óttik. Iaǵni Pfizer-di meditsina qyzmetkerleri jáne 60 jastan asqandar revaktsinatsiia úshin qoldana alady. Al Pfizer-di aqyly túrde salý máselesi qalamyzda qarastyrylyp jatqan joq», - dedi spiker.
Sonymen qatar, ol qolda bar vaktsinalar Pfizer-den kem emes ekenin atap ótti.
«Qazir «omikron» shtamyna bailanysty epidemiologiialyq jaǵdai nasharlady. Sondyqtan Pfizer ekpesin kútýdiń qajeti joq. Bizdegi vaktsinany alý kerek. Qolda bar vaktsinalar Pfizer-den kem emes», - deidi Qarlyǵash Ábdijabbarova.
