Almatynyń órt sóndirýshileri janyp jatqan páterden bir er adamdy qutqardy. Ókinishke qarai, bir áiel mert boldy, dep habarlaidy "Ult aqparat".
Tótenshe jaǵdailar departamentiniń baspasóz qyzmeti málim etkendei, órt temeki tuqylynan shyǵýy múmkin.
«16 aqpan keshki saǵat 21:47-de Almaly aýdanynyń órt sóndirýshileri Bógenbai batyr kóshesi, № 305 mekenjaiynda órt bolǵany jaily habarlamaǵa shyqty.Kelgen kezde, eki qabatty úidiń ekinshi qabatyndaǵy páter ashyq jalynmen janyp jatqanyn anyqtady.Terezeden kómek surap, sekirýge umtylǵan 1988 jyly týǵan er adamdy órt sóndirýshiler úsh iindi satymen qutqaryp úlgerdi» dep habarlady vedomstvadan.
Janyp jatqan eki bólmeli páterde joǵary temperatýra men tyǵyz tútin paida boldy.
Shuǵyl túrde gaz-tútinnen qorǵaý qyzmeti órtti sóndirýge órt oqpandaryn jiberdi.
Qyzyl jalyn 13 minýt ishinde sóndirildi.
Órtti barlaý jáne sóndirý barysynda bir áieldiń denesi tabyldy.
Qazir politsiia qyzmetkerleri onyń kim ekenin anyqtap jatyr.
