Almatyda páter jaldaýshy úi iesin óltirdi, dep habarlaidy "Ult aqparat".
Qaiǵyly oqiǵa Alataý aýdanyndaǵy jer úilerdiń birinde bolǵan.
Almaty qalalyq Politsiia departamentiniń málimetinshe, er adam men áiel bir bólmeni jaldaǵan. Úi iesi olarǵa ishimdik iship, shýlaýǵa bolmaitynyn aityp, eskertken.
«Ol kete salysymen ekeýi ishimdik iship, shýlaǵan. Úi iesi olarǵa eskertý jasaǵan. Osy kezde olardyń arasynda janjal shyqqan. Áiel ústeldiń ústindegi pyshaqty alyp, úi iesine salǵan. 50 jastaǵy er adam sol jerde kóz jumdy. Kúdiktiler ustaldy. Ekeýi de mas bolǵan. Olar Alataý aýdandyq politsiia basqarmasyna jetkizildi», - dep habarlady politsiiadan.
Atalǵan qylmysqa qatysty sotqa deiingi tergeý jumystary bastaldy.
