Almatyda jaldamaly páterler baǵasy sharyqtai bastady. Maýsym basymen salystyrǵanda, tamyzdyń ekinshi aptasynda páter jaldaý 15 paiyzǵa kóterilgen, dep habarlaidy Krisha.kz saityna silteme jasaǵan Ulysmedia.kz.
Sait málimetinshe, eki bólmeli páterlerdiń baǵasy aitarlyqtai ósken. Tamyzda eki bólmeli páterdi jaldaý quny 25 paiyzǵa kóterildi. 1 bólmeli páterlerdi jaldaý 7 paiyzǵa, 3 bólmeli páterlerdi jalǵa alý 14 paiyzǵa joǵarylady.
9 tamyzdaǵy aqparat boiynsha, Almatyda 1 sharshy metrdi jalǵa alý quny 4900 teńgege jetti.
Krisha.kz deregine súiensek, turǵyn úi keshenderinde páter jaldaý qymbatqa túsýde. Sebebi, munda úidiń aýmaǵy úlken ári páterdiń ishi jaqsy jabdyqtalǵan.
2015–2020 jyldary salynǵan turǵyn úiden páter jaldaý quny:
— 1 bólme — 150 000 teńge
— 2 bólme — 340 000 teńge
— 3 bólme — 500 000 teńge
«Orta eseppen tamyz aiynda bir bólmeli páter quny 10 myń teńgege, eki bólmeli páter baǵasy 50 myń teńgege, 3 bólmeli páter 60 myń teńgege qymbattady», - dep qorytyndylady sarapshylar.
