Foto: Polisia.kz
Almatyda politseiler páter urylary men urlanǵan taýardy satyp alýshyny ustady, - dep habarlaidy "Ult aqparat" Polisia.kz portalyna silteme jasap.
Qylmystyq toptyń quramynda bolǵan bes adam - Almaty oblysy men Shyǵys Qazaqstan oblysynan kelgender.
"Qaskóiler "iske" jupqa bólinip bardy. Kompiýterlik klýbta oryn alǵan urlyqtyń biri beinebaqylaý kameralarynyń obektivine túsip qalǵan. Aiyptalýshylardyń árbir qadamy: terezeni syndyrýdan bastap, aqsha men uialy telefon urlaǵandaryna deiin jazylǵan. Jedel-izdestirý is-sharalary barysynda bizdiń bólimsheniń kriminaldyq politsiia bóliminiń qyzmetkerleri politsiianyń arnaiy jasaqtarynyń kómegimen toptyń barlyq múshelerin jáne urlanǵan taýardy satyp alýshyny ustady. Anyqtalǵandai, ol tek oiyn pristavkalaryna qyzyǵýshylyq tanytqan. Bul jaǵdaida suranys usynysty týdyrdy. Alǵan oljanyń sátti satylatynyn anyq bilgen urylar tek kompiýterlik klýbtardy tonap júrgen", - deidi Medeý aýdandyq politsiia basqarmasynyń bastyǵy Iliias Ómirserikov.
Ustalǵandardyń árqaisysynda buryn zańmen bailanysty máseleleri bolǵan jáne olar qylmystyq kodekstiń ártúrli baptary boiynsha sottalǵandyǵy belgili boldy. Qazirgi ýaqytta kúdiktilerdiń eki urlyqqa qatystylyǵy dáleldendi. Ustalǵandarǵa aiyp taǵyldy.
Sondai-aq, politsiia qyzmetkerleri olardyń buryn-sońdy jasalǵan osyǵan uqsas qylmystarǵa qatysy bar-joǵyn tekserip jatyr.
