Almatyda saiasi partiia músheleri Táýelsizdik monýmentine gúl shoqtaryn qoidy, dep habarlaidy QazAqparat.
Saltanatty sharaǵa «Nur Otan», «Jas Otan» jastar qanaty, Qazaqstan halyq partiiasy, «Aq jol», «Aýyl», «Adal» partiialarynyń ókilderi qatysty.
«Jas Otan» jastar qanaty ókilderi hormen «Meniń elim» ánin oryndap, monýmentke gúl shoqtaryn qoidy.
«Barsha qazaqstandyqtardy Táýelsizdik kúnimen quttyqtaimyn! Qazaqstan boiynsha « Jas Otan «-nyń 10 myńnan asa múshesi jeltoqsan oqiǵasynda qaitys bolǵandardyń rýhyna taǵzym etip, Táýelsizdik kúnimen quttyqtaidy. Azat elde turyp, táýelsiz eldiń aýasyn jutqanymyzdyń barlyǵy árbir qazaqstandyq azamat úshin basty qundylyq ekenin umytpaýymyz kerek», - dedi «Nur Otan» partiiasy janyndaǵy «Jas Otan» jastar qanatynyń tóraǵasy Elnur Beisenbaev.
Keiin ár partiia ókilderi monýmentke gúl shoqtaryn qoidy.
«Táýelsizdik – ol bizdiń elimiz, jerimiz, tilimiz ben dilimiz. Táýelsizdik - bizdiń óz jolymyzdy ózimiz tańdaý múmkindigimiz, keleshek urpaqtyń bolashaǵy úshin bizdiń jaýapkershiligimiz. Ár ult, ár halyq úshin táýelsizdikten artyq qasietti de qymbat eshteńe joq. Elimiz alyp, quqyqtyq, derbes demokratiialyq memleket retinde álemge tanyldy. Laiym osy biikten kórine berýge jazsyn. Táýelsizdigimiz tuǵyrly bolǵai! Órkeniet kóshine ilesken halqymyzǵa gúldený men kórkeiý tileimiz. Táýelsizdik kúni qutty bolsyn!», - dedi «Aq jol» partiiasynyń ókilderi.
Aktsiiaǵa qatysýshylar sany kóp bolǵandyqtan, maska rejimi men áleýmettik qashyqtyq qatań saqtaldy.
