Foto: Tengrinews.kz, Turar Qazanǵapov
Almatydaǵy ekologiia basqarmasynyń birqatar laýazymdy tulǵasy jemqorlyq úshin sottaldy, dep habarlaidy "Ult aqparat" Antikor baspasóz qyzmetine silteme jasap.
«Almaty qalasy Medeý aýdanynyń № 2 sotynyń úkimimen para alǵany úshin (QK 366-baby) Almaty qalasy ekologiia jáne qorshaǵan orta basqarma basshysy orynbasarynyń m.ý.a. M. Jeksembaevqa 96 mln. teńge somasynda aiyppul túrinde jaza taǵaiyndaldy (paranyń 30 eselengen mólsheri).
Para bergeni úshin (QK 367-baby) «Ekoservis-S» JShS basshysy Ǵ. Berkinbaev pen «Kompaniia Stroiteks» JShS basshysy A. Mapaevqa sáikesinshe 73 mln. astam jáne 64 mln. teńge somasynda aiyppul salýǵa úkim shyǵaryldy.
Paraqorlyqqa deldal bolǵany úshin (QK 368-baby) «Eco Almaty» JShS menedjeri B. Rahym 32 mln. teńge mólsherinde aiyppulǵa sottaldy.
Sottalǵandar úshin aiyppuldyń jalpy esebi 265 mln. teńgeden astam somany qurady», - delingen Agenttik habarlamasynda.
Atalǵan adamdar memlekettik qyzmette jáne kvazimemlekettik sektor sýbektilerinde qyzmet atqarý quqyǵynan ómir boiy aiyryldy.
"Ekologiia jáne qorshaǵan orta basqarmasynyń laýazymdy tulǵasy M. Jeksembaev «Rennesans pliýs» JShS ókili Ǵ. Berkinbaevtan Almaty qalasynyń turǵyn úi keshenderiniń aýmaǵynda qatty-turmystyq qaldyqtardy jinaý jáne suryptaýǵa arnalǵan jer ýchaskelerin bergeni úshin 5 mln. teńge shamasynda aqshalai qarajat aldy.
M. Jeksembaev «Kompaniia Stroiteks» JShS direktory A. Mapaevtan Almaty qalasy Ekologiia jáne qorshaǵan orta basqarmasynyń ákimshilik ǵimaratynyń JSQ ázirleýge buryn jasalǵan memlekettik satyp alý týraly shart boiynsha jalpy qamqorlyǵy úshin deldal B. Rahym arqyly 3 mln. teńgeden astam aqshalai para aldy" - delingen habarlamada.
QR QK 41-babyna sáikes aiyppul belgilengen merzimde tólenbegen jaǵdaida jaza sharasy bas bostandyǵynan aiyrýǵa aýystyrylady. Sot úkimi zańdy kúshine engen joq.
