Almaty qalalyq jasyl ekonomika basqarmasy megopolis aimaǵynda egilgen tal týraly beinerolikterdi LED ekrandardan kórsete bastady, dep habarlaidy "Ult aqparat".
Beineroliktegi aqparat kún saiyn jańartylyp otyrady. Ol 25 minýt saiyn kórsetiledi. Olardy qalanyń negizgi kóshelerinde ornalasqan 52 media-taqtadan kórýge bolady.
«Aita ketý kerek, bul jai ǵana sandar jazylǵan beinerolik emes. Eger muqiiat qarasańyz, onda aldymen otyrǵyzylǵan aǵashtyń videosy paida bolady jáne kún saiyn olardyń sany ósip otyrady», - dep atap ótti basqarmadan.
Aita keteiik, Almatynyń jasyl ekonomika basqarmasy jyl sońyna deiin 250 myń túp kóshet egýdi josparlap otyr. Jalpy búgingi kúni megopoliste 164 500 aǵash egildi.
