Almatyda otqa oranǵan jolaýshylar avtobýsy júrgizýshisiniń qoly kúiip qaldy, dep habarlaidy "Ult aqparat".
«4 maýsym kúni Almaty qalasynyń TJD «101» pýltine kýágerden avtobýs órtengeni týraly habarlama tústi. Avtobýstyń ishinde adam bolmaǵan. Mototsikletti ekipaj oqiǵa ornyna 5 minýttyń ishinde jettti. Olar 2014 jyly shyqqan «Yutong» markaly avtobýstyń ashyq jalynmen janyp jatqanyn habarlady. Tilsiz jaý jarnama taqtasyna jaiylyp úlgergen. Avtobýs gazben júredi. Órtti sóndirý úshin jedel túrde kóbik shashylyp, sondai-aq jaqyn ornalasqan ǵimarattardy qorǵap, salqyndatý úshin órt oqpandary qoldanyldy» dep habarlady TJD.
Shuǵyl qoldanylǵan sharalardyń arqasynda jalyn 8 minýttyń ishinde aýyzdyqtalyp, 15:07-de tolyq sóndirildi.
Avtobýs júrgizýshisiniń oń qoly kúiip qaldy. Ol aýrýhanaǵa jatýdan bas tartty.
Otty sóndirge jeke quramnan 12 adam, 2 órt tsisternasy jáne 2 mototsikletti ekipaj jumyldyrylǵan.
