Foto: Almaty ákimdigi
Almatyda qala kúnin aýqymdy merekeleýge daiyndyqqa bailanysty Tóle bi kóshesi bes kúnge jabylady. Qala turǵyndarynan marshrýtty aldyn ala josparlaýdy suraidy, dep habarlaidy ULT.kz ákimdikke silteme jasai otyryp.
Vedomstvonyń baspasóz qyzmeti habarlaǵandai, Almaty qalasy kúni aiasynda "Astana" alańynda aýqymdy kontsertter ótedi - 14 qyrkúiektegi 16:00-de jáne 15 qyrkúiekte saǵat 17:00-de.
"Eskeretin jait, qyrkúiektiń 12-si men 16-sy aralyǵynda Tóle bi kóshesiniń boiy Panfilov kóshesinen bastap Abylai han dańǵylyna deiin jabylady. Bul aralyqta Astana alańynda Qala kúnin merekeleý aiasynda uiymdastyrylatyn is-sharalarǵa daiyndyq jumystary júrgiziledi. Túsinistik tanytyp, jol júrý baǵytyn aldyn ala oilastyrýlaryńyzdy suraimyz. Sondai-aq jol qozǵalysy erejelerin qatań saqtaýǵa shaqyramyz", - delingen habarda.
Almaty kúnine orai ótetin is-sharalardyń tizimimen myna siltemeden tanysa alasyz.
