Almatyda órt sóndirýshiler janyp jatqan dúkennen áieldi alyp shyqty, dep habarlaidy "Ult aqparat".
Órt 20 aqpan kúni tańerteń «Taýgúl» shaǵynaýdanynda shyqqan.
Qalalyq TJD habarlaýynsha, taýar qoiylǵan aǵash sóreler janǵan. Jalyn eki qabatty «Bereke» dúkeniniń birinshi qabaty qabyrǵalarynyń ishki qaptamasyna taraǵan.
«Ǵimarattan kózdi ashytatyn tútin býdaqtaǵan. Kórshi úilerdiń turǵyndary úreilenip, jinala bastaǵan. Órtti barlaý jáne kýágerlermen suhbat júrgizý kezinde dúken ishinde onyń qyzmetkeri 48 jastaǵy áieldiń qalǵany anyqtalǵan. Bul týraly órtenip jatqan dúkennen shyǵyp úlgergen onyń áriptesi aitqan. Úreilengen áieldi órt sóndirýshiler sabyrǵa shaqyryp, dúken bólmeleriniń qalai ornalasqanyn egjei-tegjeili biledi», - dedi vedomstvoda.
Áieldi qutqarý úshin quramynda bólimshe komandiri bar 1-MÓSB gaz-tútinnen qorǵaý qyzmeti dereý dúken ǵimaratynyń ishine kirdi.
Kassalyq apparattyń artynda dúken ishinde taǵy úsh bólme bar ekeni belgili boldy.
«Jábirlenýshi bólmelerdiń birinen (dárethanadan) tabyldy. Áiel dymqyl oramalmen tynys alýǵa tyrysqan, biraq es-tússiz jatqan. Órt sóndirýshiler ony taza aýaǵa shyǵaryp, alǵashqy meditsinalyq kómek kórsetken. Kelgen meditsinalyq brigada zardap shegýshini Jedel shuǵyl kómek kórsetý aýrýhanasynyń toksikologiia bólimine jatqyzdy»,- dep atap ótti departamentten.
Órt sóndirýshiler kelgen sátten bastap jalyn 15 minýt ishinde aýyzdyqtaldy, jalpy aýmaǵy 8 sharshy metrge taraǵan órt 6:51-de tolyǵymen sóndirildi.
Órtti sóndirýge 8 tehnika, jeke quramnan 20-dan astam adam, sondai-aq ózara is-qimyl qyzmeti jumyldyryldy.
