saulebikiteeva/video kadry
Almatyda kúshikti qutqarǵan jigittiń videosy jurtty súisinti. Alaida jeli qoldanýshlary ittiń iesi alǵys aitpaǵanyna ashýlandy, - dep habarlaidy Massaget.kz portaly.
Videony zańger Saýle Bikiteeva Instagram-paraqshasynda jariialady. Onda kúshikti qutqarý sáti kórsetilgen. Kadrlarǵa qaraǵanda kúshik ózenniń arǵy betine ótip, keiin qaita almai qalǵan. Al ittiń iesi bergi jaǵalaýda qalǵan.
Bul jaǵdaiǵa beijai qaramaǵan jigitter itti qutqarýǵa kómektesken. Muny dostardyń biri videoǵa túsirip alypty. Úsh jigittiń bireýi aiaqkiimin sheship, ózen arnasyn bólip turǵan beton ótkelden arǵy jaǵalaýǵa ótedi. Odan ári jigit kúshikti qolyna alyp, keri qaitady. Bul kezde kadr syrtyndaǵylar oǵan daýystap qoldaý kórsetedi. Jigit itti iesine tapsyryp, sýdan shyqqannan keiin "aiaǵy tońyp qalǵanyn", al janyndaǵylar sýdyń sýyq ekenin aitady.
Video astynda jeli qoldanýshylary túrli pikir qaldyrǵan. Bir saǵatqa jýyq ýaqytta pikirler sany júzge taiaǵan. Kópshilik "ómirin qaterge tigip, kúshikti qutqarǵanda, ittiń iesi raqmet te aitpaǵanyna" ashýlanǵan.
"Raqmet te aitpady, alǵysty bylai qoiǵanda", "Raqmet qaida?! Qasynda jigitter tur ǵoi, nege ózderi qutqarmady, ondai bolsa. Alla razy bolsyn qutqarýshyǵa", "Ómirińdi nege qaterge tiktiń, raqmet te aitpady", "Ittiń iesi sol itti ainalyp, ar jaqtan almai ma?", "Adamdar alǵys aitýdan qalǵan", "Keń peiilińnen, aqjúrektiligińnen ainaldym, adamǵa degen ystyq yqylasyńnan sol, kómek qolyńdy sozsań odan kem bolmaisyń, júz jasa, qaraǵym", "Dap-dardai jigit tur ǵoi ittiń iesiniń janynda, ne onyń jany tátti me? Tur ǵoi qarap", "Kudai-aý itti alyp shyǵam degenshe meniń zárem qalmady ǵoi. Aiaǵyń taiyp ketse aǵyp ketesiń ǵoi, balam-aý", - deidi qoldanýshylar.
