saulebikiteeva/ۆيدەو كادرى
الماتىدا كٷشٸكتٸ قۇتقارعان جٸگٸتتٸڭ ۆيدەوسى جۇرتتى سٷيسٸنتٸ. الايدا جەلٸ قولدانۋشلارى يتتٸڭ يەسٸ العىس ايتپاعانىنا اشۋلاندى, - دەپ حابارلايدى Massaget.kz پورتالى.
ۆيدەونى زاڭگەر ساۋلە بيكيتەەۆا Instagram-پاراقشاسىندا جارييالادى. وندا كٷشٸكتٸ قۇتقارۋ سەتٸ كٶرسەتٸلگەن. كادرلارعا قاراعاندا كٷشٸك ٶزەننٸڭ ارعى بەتٸنە ٶتٸپ, كەيٸن قايتا الماي قالعان. ال يتتٸڭ يەسٸ بەرگٸ جاعالاۋدا قالعان.
بۇل جاعدايعا بەيجاي قاراماعان جٸگٸتتەر يتتٸ قۇتقارۋعا كٶمەكتەسكەن. مۇنى دوستاردىڭ بٸرٸ ۆيدەوعا تٷسٸرٸپ الىپتى. ٷش جٸگٸتتٸڭ بٸرەۋٸ اياقكيٸمٸن شەشٸپ, ٶزەن ارناسىن بٶلٸپ تۇرعان بەتون ٶتكەلدەن ارعى جاعالاۋعا ٶتەدٸ. ودان ەرٸ جٸگٸت كٷشٸكتٸ قولىنا الىپ, كەرٸ قايتادى. بۇل كەزدە كادر سىرتىنداعىلار وعان داۋىستاپ قولداۋ كٶرسەتەدٸ. جٸگٸت يتتٸ يەسٸنە تاپسىرىپ, سۋدان شىققاننان كەيٸن "اياعى توڭىپ قالعانىن", ال جانىنداعىلار سۋدىڭ سۋىق ەكەنٸن ايتادى.
ۆيدەو استىندا جەلٸ قولدانۋشىلارى تٷرلٸ پٸكٸر قالدىرعان. بٸر ساعاتقا جۋىق ۋاقىتتا پٸكٸرلەر سانى جٷزگە تاياعان. كٶپشٸلٸك "ٶمٸرٸن قاتەرگە تٸگٸپ, كٷشٸكتٸ قۇتقارعاندا, يتتٸڭ يەسٸ راقمەت تە ايتپاعانىنا" اشۋلانعان.
"راقمەت تە ايتپادى, العىستى بىلاي قويعاندا", "راقمەت قايدا?! قاسىندا جٸگٸتتەر تۇر عوي, نەگە ٶزدەرٸ قۇتقارمادى, ونداي بولسا. اللا رازى بولسىن قۇتقارۋشىعا", "ٶمٸرٸڭدٸ نەگە قاتەرگە تٸكتٸڭ, راقمەت تە ايتپادى", "يتتٸڭ يەسٸ سول يتتٸ اينالىپ, ار جاقتان الماي ما?", "ادامدار العىس ايتۋدان قالعان", "كەڭ پەيٸلٸڭنەن, اقجٷرەكتٸلٸگٸڭنەن اينالدىم, ادامعا دەگەن ىستىق ىقىلاسىڭنان سول, كٶمەك قولىڭدى سوزساڭ ودان كەم بولمايسىڭ, جٷز جاسا, قاراعىم", "داپ-دارداي جٸگٸت تۇر عوي يتتٸڭ يەسٸنٸڭ جانىندا, نە ونىڭ جانى تەتتٸ مە? تۇر عوي قاراپ", "كۇداي-اۋ يتتٸ الىپ شىعام دەگەنشە مەنٸڭ زەرەم قالمادى عوي. اياعىڭ تايىپ كەتسە اعىپ كەتەسٸڭ عوي, بالام-اۋ", - دەيدٸ قولدانۋشىلار.
