Almatyda ftiziopýlmonologiialyq ortalyqta koronavirýsten eki qart adam emdelip, úilerine shyqty, dep habarlaidy "Ult aqparat".
Densaýlyq saqtaý basqarmasynyń málámetinshe, olardyń biri 84 jastaǵy qariia, onyń ókpesi 100% zaqymdalǵan. Naýqas aýrýhanaǵa 19 shilde kúni koronavirýstyq infektsiia diagnozymen túsken. Ol qurǵaq jótelge, jalpy álsizdikke, tábetiniń tómendeýine shaǵymdanǵan. Dárigerler onyń ómirin saqtap qalý úshin 16 kún kúresti.
«Naýqas jansaqtaý bóliminde 16 kún jatty. 8 kún invazivti ÓJJ apparatynda boldy. Jaǵdaiy qalypqa kelgennen keiin naýqas bólimshege emdelýge aýystyryldy»,– deidi Ftiziopýlmonologiia ortalyǵynyń direktory Janar Sapieva
Ekinshi naýqas – 78 jastaǵy áje. Ol eki jaqty polisegmenttik pnevmoniia diagnozymen aýrýhanada bir aidan astam ýaqyt emdeldi. Naýqastyń ókpesi 85% zaqymdanǵan. Onyń aitýynsha, aýrý aiaq asty bastalǵan, bastapqyda JRVI dep oilap, úsh kún úiinde emdelgen.
Janar Sapievanyń aitýynsha, patsientter búginde ózderin jaqsy sezinedi, jaǵdailary qalypty, emdelýshilerde koronavirýs infektsiiasynyń belgileri baiqalmaidy. Keshe olar úiine shyǵarylyp, ambýlatoriialyq deńgeide baqylaýǵa alyndy.
