الماتىدا فتيزيوپۋلمونولوگييالىق ورتالىقتا كوروناۆيرۋستەن ەكٸ قارت ادام ەمدەلٸپ, ٷيلەرٸنە شىقتى, دەپ حابارلايدى "ۇلت اقپارات".
دەنساۋلىق ساقتاۋ باسقارماسىنىڭ مەلەمەتٸنشە, ولاردىڭ بٸرٸ 84 جاستاعى قارييا, ونىڭ ٶكپەسٸ 100% زاقىمدالعان. ناۋقاس اۋرۋحاناعا 19 شٸلدە كٷنٸ كوروناۆيرۋستىق ينفەكتسييا دياگنوزىمەن تٷسكەن. ول قۇرعاق جٶتەلگە, جالپى ەلسٸزدٸككە, تەبەتٸنٸڭ تٶمەندەۋٸنە شاعىمدانعان. دەرٸگەرلەر ونىڭ ٶمٸرٸن ساقتاپ قالۋ ٷشٸن 16 كٷن كٷرەستٸ.
«ناۋقاس جانساقتاۋ بٶلٸمٸندە 16 كٷن جاتتى. 8 كٷن ينۆازيۆتٸ ٶجج اپپاراتىندا بولدى. جاعدايى قالىپقا كەلگەننەن كەيٸن ناۋقاس بٶلٸمشەگە ەمدەلۋگە اۋىستىرىلدى»,– دەيدٸ فتيزيوپۋلمونولوگييا ورتالىعىنىڭ ديرەكتورى جانار ساپيەۆا
ەكٸنشٸ ناۋقاس – 78 جاستاعى ەجە. ول ەكٸ جاقتى پوليسەگمەنتتٸك پنەۆمونييا دياگنوزىمەن اۋرۋحانادا بٸر ايدان استام ۋاقىت ەمدەلدٸ. ناۋقاستىڭ ٶكپەسٸ 85% زاقىمدانعان. ونىڭ ايتۋىنشا, اۋرۋ اياق استى باستالعان, باستاپقىدا جرۆي دەپ ويلاپ, ٷش كٷن ٷيٸندە ەمدەلگەن.
جانار ساپيەۆانىڭ ايتۋىنشا, پاتسيەنتتەر بٷگٸندە ٶزدەرٸن جاقسى سەزٸنەدٸ, جاعدايلارى قالىپتى, ەمدەلۋشٸلەردە كوروناۆيرۋس ينفەكتسيياسىنىڭ بەلگٸلەرٸ بايقالمايدى. كەشە ولار ٷيٸنە شىعارىلىپ, امبۋلاتورييالىق دەڭگەيدە باقىلاۋعا الىندى.
