Oqiǵa keshe Almaty qalasy Áýezov aýdanyndaǵy Amanjol kóshesinde bolǵan, dep habarlaidy Ult.kz.
Aýdan ákimdiginiń málimetinshe, merdiger kompaniia buǵan deiin aýyzsý jáne káriz injenerlik jelilerin júrgizý jumysyn tolyq kólemde aiaqtaǵan. Asfaltbeton jamylǵysyn qalpyna keltirý ýaqytsha keiinge qaldyryldy.
«Qalpyna keltirý jumystary gaz qubyry tóselgennen keiin jasalýǵa tiis edi. Alaida jaýyn sýy aryq júiesi arqyly osy kóshege jinalyp, jol tósemine túsetin salmaqty arttyrǵan. Qatty nóserden jol shógip, jabyny búlingen. Saldarynan 13 kólik zaqymdandy», - dep jazdy qala ákiminiń kommýnikatsiia jáne BAQ-pen jumys boiynsha keńesshisi Ilzat Akchýrin.
Endi merdiger uiym zaqymdanǵan kólik ielerine keltirilgen shyǵyndy tolyq óteidi.
