Almatyda aryq jelileriniń problemalyq ýchaskelerin qalpyna keltirý jumystary jalǵasýda. Qala ákimdiginiń málimetinshe, monitoring barysynda anyqtalǵan 124 problemalyq ýchaskeniń 80-inde jóndeý tolyq aiaqtalǵan, dep habarlaidy ult.kz.
Qazirgi ýaqytta taǵy 28 ýchaskede qurylys-jóndeý jumystary júrgizilip jatyr. Al qalǵan nysandarda jóndeý jumystary bekitilgen josparǵa sáikes kezeń-kezeńimen oryndalady.
Búginde Almatydaǵy aryq jelileriniń jalpy uzyndyǵy 1,5 myń shaqyrymnan asady. Kommýnaldyq qyzmetter olardyń jai-kúiin turaqty baqylaýda ustap, ásirese sý basý qaýpi joǵary aýmaqtarda kúndelikti tazalaý jumystaryn júrgizip keledi.
Nóser jaýyn-shashyn qarsańynda arnaiy tehnika men mamandar yqtimal qaýipti ýchaskelerge aldyn ala jumyldyrylady. Qajet bolǵan jaǵdaida sý sorý jumystaryna Tótenshe jaǵdailar departamenti men Qutqarý qyzmetiniń motopompalary tartylady.
Mamandardyń aitýynsha, aryq jelilerin jóndeý jáne qaita jańǵyrtý jumystary olardyń sý ótkizý qabiletin arttyryp, nóser kezinde kóshelerdi sý basý qaýpin tómendetýge múmkindik beredi.
