Jol qozǵalysy erejesin buzǵan politsiia qyzmetkeri ishki ister organdarynan bosatyldy, dep habarlaidy QazAqparat tilshisi Almaty qalalyq IID baspasóz qyzmetine silteme jasap.
Almaty qalalyq politsiia departamentiniń tártiptik komissiiasynyń sheshimimen jol qozǵalysy erejelerin óreskel buzǵan jergilikti politsiia qyzmeti basqarmasy patrýldik politsiia polkiniń inspektory, politsiia aǵa leitenanty K. Imanqulov qyzmetinen bosatyldy.
Sondai aq onyń tikelei basshysy — vzvod komandiri de qyzmetinen ketti. Sonymen qatar, bólimsheniń taǵy eki basshysyna tártiptik jaza qoldanyldy.
«Zań barlyǵyna birdei jáne qatań saqtalýy tiis. Kezdeisoq adamdarǵa bizdiń qatarymyzda oryn joq: mundai zańsyz áreketterimen olar erte me, kesh pe, ózderin kórsetedi. Azamattardyń qaýipsizdigi úshin qyzmetke júrek qalaýymen kelgender ishki ister organdarynda qalady», - deidi Almaty qalalyq politsiia departamenti bastyǵynyń orynbasary Ábdýáli Nasharbekov.
Sonymen qatar, politsiiadaǵylar jol qozǵalysy erejelerin buzǵan K.Imanqulovqa qatysty bes ákimshilik hattama toltyrylǵanyn atap ótti.
Eske salaiyq, búgin Almaty men Almaty oblysy shekarasynda nómirsiz kólikpen qarsy baǵytta júrgen politsiia qyzmetkeriniń videosy áleýmettik jelide taraǵan bolatyn.
