Foto: ashyq derekkóz
Ábilhan Qasteev atyndaǵy QR Memlekettik óner mýzeiinde otandyq sýretshi Nelli Býbeniń «Mádeniet dialogy. Shyǵys - Batys» atty jeke mereitoilyq kórmesiniń ashylýy ótti, dep habarlaidy Ult.kz.
Bul kórme – sýretshiniń jarty ǵasyrdan astam shyǵarmashylyq jolyn qamtityn aýqymdy óner jobasy. Ekspozitsiiada keskindeme, grafika, kollajdar, obektiler men stanok týyndylary usynylǵan. Barlyq týyndy órkeniet, urpaq jáne ýaqyt arasyndaǵy úzdiksiz dialogty sýrettep turǵandai.
Kórmege 80-nen astam týyndy qoiylǵan. Avtordyń eńbekterinde úsh negizgi taqyryp bar. Atap aitsaq, mádeni sabaqtastyq, ekologiialyq máseleler jáne Kieli kitaptyń jelisi baiqalady. Bul taqyryptar shyǵarmada metaforalyq tereńdikpen, plastikalyq kórkemdik, avtorlyq tehnikamen oryndalǵan.
Foto: ashyq derekkóz
Nelli Býbe úshin «Shyǵys - Batys» – kópir emes, bir keńistikte qatar ómir súrý uǵymy. Uly Jibek jolyna arnalǵan seriia - geografiialyq karta ǵana emes, mádeni almasý týraly poetikalyq shyǵarma, Eýropa, Aziia men Qytai halyqtarynyń beibit ómir súrý saltyn sýretteitin kórkem shyǵarma. Simvoldyq beineler men kompozitsiialyq sheshimderden bostandyq ideiasy men rýhani tájiribeniń ortaq tabiǵaty aiqyn seziledi. Sýretshi bul taqyrypqa barmas buryn, 2002 jyldan beri jan-jaqty izdengen. Atalmysh kórmede avtor «Uly Jibek jolynyń» birneshe nusqasynyń ishinen eki jumysyn ǵana usynyp otyr.
Nelli Vitalevna Býbe - Qazaqstan Respýblikasynyń eńbek sińirgen mádeniet qairatkeri, Qazaqstan Respýblikasy Sýretshiler odaǵynyń jáne Qazaqstan Respýblikasy Óner akademiiasynyń múshesi, Resei Óner akademiiasynyń qurmetti sheteldik múshesi. Nelli Býbe 1949 jyly Qaraǵandy qalasynda dúniege kelgen. 1969 jyly N.V. Gogol atyndaǵy Almaty kórkemsýret ýchilishesin, 1977 jyly Abai atyndaǵy Qazaq pedagogikalyq institýtynyń kórkemsýret-grafika fakýltetin támamdaǵan. Sýretshi kóptegen qalalyq, respýblikalyq, halyqaralyq jáne jeke kórmelerge qatysqan.
Ekspozitsiia 2025 jyldyń 11 shildesine deiin jalǵasady.
