Almatyda Qazaqstannyń Tuńǵysh Prezidenti Nursultan Nazarbaev beinelengen mýral paida boldy, dep habarlaidy "Ult aqparat".
Sýret Jarokov pen Myńbaev kósheleriniń qiylysyndaǵy turǵyn úi janyndaǵy kishigirim nysannyń qabyrǵasyna salynǵan.
Mýralda Elbasy forever young degen jazý bar, bul «Elbasy - máńgi jas» degen maǵynany bildiredi.
Sýret áleýmettik jelilerde jariialandy.
Almaty qalasynyń Mádeniet basqarmasy bul muralǵa esh qatysy joq ekenin habarlady.
Eske salaiyq, byltyr Almatyda kópqabatty úidiń qabyrǵasynda estrada juldyzy - Dimash Qudaibergenov beinelengen mýral paida bolǵan edi.
Keiin Dimash Qudaibergen ózi salynǵan sýretke qatysty oiyn da bildirdi.
«Almaty qalasynda Qabanbai batyr men Sáken Seifýllin kósheleri qiylysynda osyndai keremet mýral salynypty. Jerlesterdiń «syilyǵyn» kórgende ishtei alǵysymdy bildirdim. Alaida, Dimash Qonaevtai uly tulǵalarymyz turǵanda jas býyn ókili óziniń alyp sýreti jaily jar salǵany uiat bolar dedim de, úndemedim. Qazirgi tańda, osynsha qiyn jumysqa eńbegi ketken azamattarǵa alǵys aitýdy jón kórip otyrmyn. Qadirli sýretshiler, qoldaryńyz dert kórmesin, týyndylaryńyz jer sharyn sharlap, qazaqtyń atyn biikke kótersin. Jáne barsha qoldaýshylaryma shyn júrekten alǵys bildiremin. Úlken rahmet!», – dep jazdy ánshi.
