Almatyda «DAISh» halyqaralyq terroristik uiymynyń ideologiiasyn ustanýshyny qolǵa tústi. Bul týraly QR UQK baspasóz qyzmeti habarlady.
«2020 jylǵy 13 naýryzda Ulttyq qaýipsizdik komiteti jedel-izdestirý sharalarynyń nátijesinde Almaty qalasynda «DAISh» (Qazaqstanda tyiym salynǵan) halyqaralyq terroristik uiymy ideologiiasyn ustanýshyny ustap, sot sanktsiiasymen qamaýǵa aldy. Tutqyndalǵan adam Naýryz meiramyn merekeleý kezinde halyq kóp shoǵyrlanǵan oryndarda terakt daiyndady dep kúdiktelýde. Tergeý is-qimyldary barysynda odan eki jaýyngerlik granata alyndy» delingen habarlamada.
Aita keteiik, kúdiktige qatysty Qazaqstan Respýblikasy Qylmystyq kodeksiniń 255 (Terrorizm aktisi) jáne 258 (Terroristik nemese ekstremistik áreketti qarjylandyrý jáne terrorizmge ne ekstremizmge ózge de dem berýshilik) baptary boiynsha qylmystyq ister qozǵaldy. Tergeý jalǵasýda.
