Almaty «qyzyl» aimaqqa kirgeli karantin sharalary kúsheitildi.Sondyqtan kóptegen mádeni nysandar onlain jumys formatyna kóshti jáne Naýryz merekesine josparlanǵan barlyq is-sharalar da onlain ótedi. Olardy mádeni uiymdardyń Instagram, Facebook, Youtube áleýmettik jelilerdegi resmi akkaýnttarynan kórýge bolady, dep habarlaidy "Ult aqparat".
22 naýryz kúni Almaty mýzeiiniń Instagram paraqshasynda «Topjarǵan» etnografiialyq óner ortalyǵymen birge qazaqtardyń «Naýryz toiy-mereke, Saltanat-dárim-bereke» atty qoldanbaly óneriniń etnografiialyq onlain-kórmesin kórýge bolady.
N. Tilendievtiń memorialdy mýzeiiniń Instagram paraqshasynda QR eńbek sińirgen ártisi, ánshi S.Medeýovtyń qatysýymen «Ulystyń uly kúni – Naýryz» atty onlain kontserttik baǵdarlamasy usynylady.
S. Muqanov pen Ǵ. Músirepov atyndaǵy ádebi-memorialdyq mýzei kesheniniń (@muzey_s.g. m) instagram paraqshasynda B. Jaqyp, Q. Qairanbaev, A. Qaiyrbekov siiaqty belgili aqyndardyń qatysýymen «Naýryz-dýman» ádebi-sazdy keshi qoljetimdi bolady. Olardyń oryndaýynda Naýryz kóktem merekesi týraly óleńderdi oqylady. Sondai-aq, osy paraqshada Mýzeiler kesheniniń qorynan alynǵan qazaq ádebieti klassigi Sábit Muqanovtyń Naýryz merekesi týraly jazǵan 1925 jylǵy 22 naýryzda «Eńbekshi qazaq» gazetinde (№ 303) jaryq kórgen «Jyl basy» atty muraǵattyq maqalasymen tanysýǵa bolady.
Memlekettik qýyrshaq teatry onlain rejiminde kórermenderge óte qyzyqty master-klasstar, dóńgelek ústelder, sondai-aq teatr akterleriniń quttyqtaý sózderin kórsetedi. «Ejelgi merekeniń máńgilik qundylyqtary» atty dóńgelek ústelde Nur-sultan, Aqtóbe oblystyq Alaqai qýyrshaq teatry, Shymkent qalalyq qýyrshaq teatry, Qostanai oblystyq qýyrshaq teatry kórermender arasynda Naýryz taqyrybyna jazylǵan shyǵý tegin nasihattaý, teatr repertýaryna qosý, halyqaralyq, respýblikalyq festivalderde ulttyq naqyshtaǵy beketterdi usyný maqsatynda uiymdastyrylyp, barsha kórermenge jol tartty.
19-22 naýryz aralyǵynda Memlekettik qýyrshaq teatrynyń resmi akkaýnttarynda ulttyq naqyshta bezendirilgen qýyrshaqtardyń, eskizderdiń, dekoratsiialardyń onlain tanystyrylymyn kórýge bolady. Sondai-aq, Naýryz merekesin ótkizýdiń tarihy, barysy, mańyzy men qajettiligi, negizgi zańdary men tártibi bar balalarǵa arnalǵan aqparattyq beinejazbalar qoljetimdi bolady.
Sonymen qatar, qala turǵyndary «Naýryz týǵan jańǵyrý, toi bolǵan buldaǵy» merekelik qoiylymyn tamashalai alady, onda ulttyq aspaptardyń, bi óneriniń, taǵamdardyń shyǵý tegi, mańyzy men qundylyǵy kórsetiledi; qýyrshaq pen teatr ártisteriniń qatysýymen «Áz Naýryz-Jańarý men jańǵyrý bastaýy» onlain master – klassy; 7-12 jas aralyǵyndaǵy oqýshylar arasynda onlain formatta «Ata saltyn ardaqtaiyq» shyǵarmalar konkýrsy; «Alataý» DÓT-men birlesip uiymdastyrylǵan «Tarih qyndaǵy Naýryz» merekelik onlain-spektaklin kóre alady.
Qazaq memlekettik tsirki qala turǵyndaryna kúrdeli triýkter men festival nómirlerinen turatyn tsirk ártisteriniń merekelik baǵdarlamasyn usynady. «Nomad» atty-akrobatikalyq tobynyń sheberlik sabaqtarynda qazaq halqynyń «Qyz qýý», «Kókpar», «Aýdaryspaq», «Túime alý» jáne taǵy basqa ulttyq oiyndary kórsetiledi. Atalǵan is-sharalardy Qazaq memlekettik tsirkiniń áleýmettik jelilerinen kórýge bolady.
Memlekettik arhivtiń áleýmettik jelileriniń betterinde Naýryz merekesine qatysty óte qyzyqty muraǵattyq qujattar jariialanatyn bolady. Almaty qalasy Memlekettik arhiviniń qor qurýshysy M.Myrzahmetulynyń «Qazynaly Ońtústik» jinaǵynyń negizinde daiyndalǵan «Naýryz toiy – merekem, salt-dástúrim berekem!» atty materialda Naýryz meiramy týraly tarihi derekter usynylǵan.
«Naýryz toiy-mereke» fotoqujattyq onlain kórmesinde Almatydaǵy Naýryz merekesin toilaý týraly muraǵat qoryndaǵy qujattar jáne «Naýryz sherýi» fotosýretteri usynylǵan. Al «Naýryz – qut-bereke bastaýy» kórmesi Almaty qalasynyń memlekettik muraǵatyndaǵy Naýryz merekesiniń fotosýretter toptamasynan turady. «Qazaqtyn ulttyq taǵamdary» kórmesinde qazaq halqynyń barlyq ulttyq taǵamdary týraly derekterdi kórýge bolady.
22 naýryzda «Naýryz dýman» derekti filmi jaryq kóredi, onda 1989 jyldan bastap qazirgi ýaqytqa deiingi Naýryz merekesiniń hronikasy kórsetiledi.
«Alataý» dástúrli óner teatry qala turǵyndaryna túrli qyzyqty beinerolikter usynady. Atap aitsaq, tanymal ártisterdiń qazaqstandyqtardy Naýryz merekesimen quttyqtaýy, qazaqtyń ulttyq salt-dástúrlerin basqa ult ókilderiniń kórsetý barysynan beine úzindiler. «Naýryz kóje» merekelik onlain baǵdarlamasynda jeti maman ókilderi (dáriger, muǵalim, injener, sportshy, kásipker, quqyq qorǵaý salasy men mádeniet salasynyń ókilderi) kezdesip, dástúrli taǵam – Naýryz kójeni daiyn qana qoimai, ol týraly qyzyqty tarihi faktilerdi de aityp beredi.
22 naýryzda teatrdyń Instagram paraqshasynyń (@alatau.theater) tikelei efirinde Naýryz merekesine arnalǵan salt-dástúr elementterinen quralǵan kontserttik baǵdarlamany tamashalaýǵa bolady.
20 naýryz kúni Almaty áýenderiniń resmi Youtube arnasynda kórermenderge «Sazgen sazy» folklorlyq-etnografiialyq ansambliniń «Naýryz-dýman» atty merekelik onlain kontserti usynylady.
21 naýryz kúni Almaty áýenderi mekemesiniń áleýmettik jeli betterinde (Instagram - @dvorec_respubliki, Feisbýk - almatyayenderi.kz) M.Omarov, Q. Súleimenov, A. Begei, Ǵ. Rysbai, B. Tailaqbaev, B. Nurymhojin, A. Tarǵyn, D. Baibori, M. Bazarbaev, o. Altaev, M. Shahzodaev, T. Áshimbekov, D. Seitjanov, g. Shekerbaev, E. Aidar syndy tanymal estrada ártisteriniń qatysýymen onlain kontsert ótedi.
22 naýryz kúni Almaty áýenderi (Almaty ayenderi) Youtube arnasynda «Qosh keldiń – Naýryz!» atty «Jańa ǵasyr» teatrynyń qoiylymyn kóre alasyzdar.
