Almatyda terroristik áreketter kezinde ortalyq mýzeige shabýyl jasaldy, degenmen mýzei múlikterine zalal kelmedi, dep habarlaidy QazAqparat «Habar 24» telearnasyna silteme jasap.
Shabýyl kezinde mýzei basshylyǵy men qyzmetkerleri ǵimaratty qorǵap qalǵan. Olar búlikshilerge basý aityp, jádigerlerge tiispeýin ótingen jáne qyzmetkerler birneshe kún boiy mýzeidi kúzetken.
«Olar mýzeidiń esigin syndyryp kirdi. Basynda 6-7 adam kirgen, keiin olardyń sany 200-ge deiin jetti. Biz olarǵa birden basý aittyq. Bul jerde qundy muralar, olar joiylsa tarihymyz joiylady, tiispeńizder dep aqylǵa shaqyrdyq. Sasqanymnan ne aitqanymdy da bilmeimin. Olar sózge keldi», - dedi QR Memlekettik ortalyq mýzei direktorynyń orynbasary Bibigúl Dándiqaraqyzy telearnaǵa bergen suhbatynda.
