Almaty qalalyq Bilim berý basqarmasy basshysynyń orynbasary Gúlnar Aitqulova karantin kezindegi bilim berý basqarmalarynyń jumys tártibi týraly aitty, dep habarlaidy QazAqparat.
«Qalalyq bilim basqarmasy tarapynan is-áreket algoritmi jasalǵan. Atap aitqanda, mektep jasyna deiingi balalarǵa mektepke kelýge tyiym salynǵan. Buǵan deiin ata-analardyń qalaýyna qarai kelýge ruqsat bolatyn. Endi karantinge bailanysty baqshalar jabyldy», - dedi onlain brifing kezinde Gúlnar Aitqulova.
Basqarma ókili muǵalimder mektepte kezekshilikte júr degen qaýesetti joqqa shyǵardy.
«Olar qazir úilerinde. Oqýshylarmen qashyqtan bailanysyp jatyr. Bilim basqarmasy QR BǴM buiryǵyna sáikes múǵalimder men tárbieshilerdiń jalaqysyn saqtaý týraly buiryq shyǵardy. Bilim mekemeleriniń basshylaryna qyzmetkerlerdiń aqyly demalys alam degen qalaýyn oryndaýǵa usynys berildi», - dedi basqarma basshysynyń orynbasary
Búgingi tańda Qazaqstanda koronavirýspen aýyratyndar sany 35-ke jetti. Onyń ishinde 17 jaǵdai - Almatyda, 18 fakti - Nur-Sultanda tirkelip otyr.
